ا ق ش- تا عالىمدار ادامنىڭ ولگەن ميىنا جان بىتىرمەكشى

استانا. قازاقپارات - امەريكانىڭ Bioquark اتتى بيوتەحنيكالىق كومپانياسى ميدى تىرىلتۋگە بولاتىنىن دالەلدەپ، ادام اعزاسىنىڭ باس ورگانىنا «جان ءبىتىرۋ» تەحنولوگياسىن ازىرلەۋدى جوسپارلاۋدا.

«ادامدار ورتالىق نەرۆ جۇيەسىنىڭ ەرەكشە مۇمكىندىكتەرىنەن ايىرىلسا دا، امفيبيا، پلاناريا، كەيبىر بالىقتار ءتىپتى ومىرىنە قاۋىپتى جاراقات العاننان سوڭ دا ءوز ميىنىڭ بولىگىن جازىپ، قايتا تىرىلتە الادى»، - دەپ مالىمدەدى كومپانيا باسشىسى ايرا پاستورون.

عالىمدار ا ق ش- تا، ۇلى بريتانيادا رەسمي تۇردە ءولدى دەپ تانىلعان، ءبىراق ۆەگەتاتيۆتى جاعدايدا بولۋىن قامتاماسىز ەتۋ جالعاسىپ كەلە جاتقان ادامداردىڭ قاتىسۋىمەن كلينيكالىق سىناق جۇرگىزبەك، دەپ جازدى lenta.ru.