11:21, 23 - ءساۋىر 2016 | GMT +5
بوسقىنداردى تۇسىرگەن فوتوسۋرەتشى حالىقارالىق جۇلدەگە يە بولدى - فوتو
استانا. قازاقپارات - سەرگەي پونوماريەۆ ەسىمدى رەسەيلىك فوتوسۋرەتشى Istanbul Photo Awards 2016 جاڭالىقتار فوتوگرافياسى كونكۋرسىندا وسىمەن ەكىنشى جىل قاتارىنان جۋرناليستيكا سالاسىنداعى ۇلكەن ماراپاتقا - پۋليتتسەروۆ سىيلىعىنا يە بولىپ كەلەدى، دەپ حابارلادى www.muslim.kz.
ناۋرىز ايىندا سەرگەي پونوماريەۆتىڭ New York Times باسىلىمىنا بەرگەن «بوسقىندار» فوتوتوپتاماسى New York Times كونكۋرسىنىڭ «ءبىر حابار» نوميناتسياسىنىڭ جەڭىمپازى اتاندى.
فوتوسۋرەتشى تۋىندىلارىندا تاياۋ شىعىس بوسقىندارىنىڭ ەۋروپاعا، جارقىن ومىرگە ۇمتىلىس ساتتەرى كورسەتىلگەن. سۋرەتشى وسى فوتوجۇمىستارى ءۇشىن دە پۋليتتسەروۆ ماراپاتىن الدى.
انادولى اگەنتتىگىنىڭ Istanbul Photo تۇڭعىش كونكۋرسىنىڭ جەڭىمپازى 2015-جىلى دا پۋليتتسەروۆ ماراپاتىنا يە بولعان ەدى.
ال اۆستراليالىق فوتوسۋرەتشى دەنيەل بەرەۋلاكتىڭ ليبەريادا ەبولا ىندەتى كەزىندە تۇسىرگەن سۋرەتتەرى دە جۋرناليستيكا سالاسىندا جوعارى ماراپاتقا لايىق دەپ تانىلعان.
