جايلى ۇيىقتاۋ ءۇشىن قانداي جاستىق تاڭداعان دۇرىس؟

نۇر- سۇلتان. قازاقپارات - جاقسى تىنىعۋ ءۇشىن ومىرتقالارىڭىز قيسايماي، ءتۇزۋ جاتۋ كەرەك.

ارينە، اركىم ءارقالاي جاتقاندى ۇناتادى جانە ءارتۇرلى قالىڭدىقتاعى كورپە جامىلادى، سونداي-اق ءارتۇرلى جاستىقتى تاڭدايدى.

ال دۇرىسىندا قانداي جاستىق تاڭداعان ءجون؟ ۇيقىڭىز جايلى بولۋى ءۇشىن تومەندەگى كەڭەستەرگە قۇلاق ءتۇرىڭىز، دەپ جازادى anabol.kz.

1. جاستىعىڭىز اسا جۇمساق ەمەس، ورتاشا بولۋى كەرەك. قاۋىرسىنى تىم كوپ جاستىقتار جايسىز. تەگىس نەمەسە ورتوپەديالىق جاستىقتى تاڭداساڭىز وكىنبەيسىز.

2. سينتەتيكالىق جاستىقتاردى ءجيى جۋۋعا بولادى. ال، تابيعي جاستىقتار جىلىنا 2-3 رەت قانا جۋىلادى. ەگەر اللەرگياڭىز بولسا، سينتەتيكالىق جاستىقتى تاڭداڭىز.

3. جاستىقتى باسىڭىزعا عانا ەمەس، موينىڭىزعا دا سالۋ كەرەك.

4. دومالاق نەمەسە ۇزىنشا جاستىقتاردان گورى ءتورتبۇرىشتى ءپىشىندى جاستىق الدەقايدا ىڭعايلى.

5. جاستىقسىز ۇيىقتاۋعا بولمايدى. بۇلاي ىستەسەڭىز، ومىرتقا مەن مويىن بۇلشىق ەتتەرى قىسىلىپ قالادى.