08:08, 23 - ءساۋىر 2016 | GMT +5
تەرگەۋ اتاقتى ءانشىنىڭ وزىنە قول سالدى دەگەن بولجامدى جوققا شىعاردى
استانا. قازاقپارات - سوت-مەديتسينالىق ساراپشىلار 21- ءساۋىر كۇنى قازا تاپقان الەمگە ايگىلى امەريكالىق ءانشى پرينس وزىنە قول سالدى دەگەن بولجامدى جوققا شىعاردى، دەپ حابارلادى BBC.
ونىڭ دەنەسى ميننەسوتادا ءوز ۇيىندەگى شاعىن ستۋديادان تابىلعان. جەرگىلىكتى ساقشىلار مارقۇمنىڭ دەنەسىنەن ەشقانداي زورلىق-زومبىلىق بەلگىلەرىن تاپپاعانىن ايتادى. بۇل ونى بىرەۋ زورلىقپەن ءولتىردى دەگەن نۇسقانى دا جوققا شىعارادى.
ول 57 جاسقا قاراعان شاقتا ومىردەن وزدى. اجالىنىڭ ناقتى نەدەن بولعانى ءالى بەيمالىم.
2004-جىلى ءانشىنىڭ ەسىمى روك-ن-روللدىڭ داڭق زالىنا ەنگەن. ءومىر بويعى انشىلىك مانسابىندا ونىڭ 100 ميلليوننان استام جازباسى ساتىلعان.
