گ. ءابدىقالىقوۆا ق ر مەملەكەتتىك كۇزەت قىزمەتى پرەزيدەنتتىك وركەسترىنىڭ ەسەپتىك كونسەرتىندە بولدى
بۇل تۋرالى اقوردانىڭ باسپا ءسوز قىزمەتىنەن حابارلادى.
كونسەرتكە شىعارماشىلىق جولىن پرەزيدەنتتىك وركەستردە باستاعان قازاقستاننىڭ بەلگىلى ارتىستەرى قاتىستى.
مادەني ءىس- شارادا «ۇلى دالا» كومپوزيتسياسى تۇڭعىش رەت ورىندالدى. بۇل شىعارما ەلباسى ن. ءا. نازاربايەۆتىڭ مەملەكەتىمىزدى رەسمي اتاۋىمەن قاتار «ۇلى دالا ەلى» دەپ اتاۋ جونىندەگى باستاماسىنان كەيىن دۇنيەگە كەلگەن بولاتىن.
سونداي-اق پرەزيدەنتتىك وركەستردىڭ جاس دارىندارى كونسەرتتە «احاۋ، ارمان»، «جىر- شاشۋ» سياقتى قازاقتىڭ حالىق اندەرىن، كلاسسيكالىق جانە قازىرگى زامانعى مۋزىكالىق شىعارمالار مەن بيلەردى ورىندادى.
پرەزيدەنتتىك وركەستر 1992 -جىلى قازاقستان رەسپۋبليكاسىنىڭ پروتوكولدىق، ديپلوماتيالىق، مەملەكەتتىك جانە باسقا دا ءىس- شارالارىن مۋزىكالىق جاعىنان قامتاماسىز ەتۋ ءۇشىن قۇرىلدى. ۇجىم فولكلورلىق مۋزىكادان باستاپ، قازىرگى اۆتورلاردىڭ كومپوزيتسيالارىنا دەيىنگى الەمدىك مۋزىكالىق ونەردىڭ بارلىق جانرلارىن قامتيتىن شىعارمالاردى ورىندايدى.
پرەزيدەنتتىك وركەستر ەلىمىزدىڭ مادەني ومىرىنە بەلسەنە اتسالىسىپ، قازاقستاندى جاھاندىق مۋزىكالىق ارەنادا لايىقتى تانىتىپ كەلەدى. وركەستر ارتىستەرى تمد، اقش، ۇلىبريتانيا، تۇركيا، ءۇندىستان ەلدەرىندە جانە باسقا دا الەمگە ايگىلى ساحنالاردا تابىستى ونەر كورسەتتى.
پرەزيدەنتتىك وركەستردى 2006 -جىلدان بەرى «ەلىم مەنىڭ» العاشقى رەسپۋبليكالىق پاتريوتتىق اندەر كونكۋرسىنىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، پولكوۆنيك تالعات بەردىعۇلوۆ باسقارىپ كەلەدى.
