گولوۆكين- ۋەيد جەكپە-جەگىنە قايرات نۇرتاس پەن مۋزارت توبىنىڭ بولجامى

استانا. قازاقپارات - گەننادي گولوۆكين مەن دومينيك ۋەيد اراسىنداعى جەكپە-جەگى قارساڭىندا «قازاقستان» ت ر ك اتى شۋلى جۇلدىزدار مەن سپورتشىلاردىڭ ەڭ قىزىقتى كوممەنتاريلەرىن ىرىكتەدى.

«الداعى كۇرەستى قازاقستاندىقتاردىڭ باسىم بولىگى سياقتى ۇيدە كورەتىن شىعارمىن. ەكى ويلىمىن. گەنانىڭ جەڭىسكە جەتۋىنە سەنسەم دە، ازداپ قوبالجىعانىم دا جوق ەمەس. ارينە، قازىرگى ۋاقىتتا گەناعا ساي كەلەتىن باسەكەلەس جوق. ءۇشىنشى راۋندتا گەنا ۋەيدتى نوكاۋتقا جىبەرەدى دەگەن ويدامىن. ءبىراق، ۋەيدتىڭ جەتىنشى راۋندقا دەيىن ءتىرى قالعانىن قالايمىن. قالاي بولارىن كورە جاتارمىز»، - دەپ ويىمەن ءبولىستى قايرات نۇرتاس.

«مۋزارت»: «گاسترولدە بولساق تا، گەنانىڭ جەكپە-جەكتەرىن جىبەرىپ الماۋعا تىرىسامىز. سوڭعى كەزدەرى تىپتەن ۋايىمدامايمىز دا، سەبەبى كەز كەلگەن قارسىلاسىن جەڭەدى دەگەن سەنىمدەمىز. بۇدان دا اسقان قىزىقتى ساتتەردىڭ كۋاگەرى بولعىمىز كەلەدى. ۋەيد كۇرەس بارىسىندا ءبىراز بولسا دا گولوۆكينگە قيىندىقتار تۋعىزىپ، ءوزىن جاقسى كورسەتەدى دەگەن ويدامىز. گەنا بارشا قازاقستاندىقتاردىڭ جۇرەگىن جاۋلاپ الدى جانە ونىڭ جەڭىسىن ءسوزسىز كۇتەمىز».

باسقا دا قازاقستاندىق شوۋ-بيزنەس وكىلدەرى قانداي پىكىردە؟

مارجان اراپبايەۆا: «ءبىز بارلىق وتباسىمىزبەن گەنانى قولدايمىز جانە وسى جولى دا جەڭەتىنىنە كۇمان كەلتىرمەيمىز. ءبىز وعان سەنەمىز جانە ونى قولدايمىز. گەنا سياقتى سپورتشىمىزدىڭ بار ەكەنىن ماقتان تۇتامىن. ءبىز، قازاقستاندىق ەسترادانىڭ وكىلدەرى قاشان دا گەنامەن بىرگەمىز. ايتارىم، گەنا، وسى جەڭىستەرىڭمەن توقتاپ قالما، تەك قانا العا!».

ايقىن تولەپبەرگەن: «مەن گولوۆكيننىڭ جەكپە- جەگىن مىندەتتى تۇردە كورەمىن. جەكسەنبى كۇنى سول ءۇشىن ەرتە تۇرىپ، ۇيقىمدى قيۋعا ءازىرمىن. مەن ونىڭ جەڭىسىنە سەنەمىن. الەمنىڭ ەڭ مىقتى بوكسشىسى ەكەنىن دالەلدەي الدى. گەنانىڭ ءاربىر سوققىسى ءبىز ءۇشىن ماڭىزدى. وعان تەك قانا جەڭىس تىلەيمىن!».

ارينە، قازاقستاندىقتاردىڭ باسىم بولىگى اتالمىش كۇرەستى وتباسىلارىمەن بىرگە «قازاقستان» تەلەارناسىنان كورۋدى جوسپارلاپ وتىر. گولوۆكيننىڭ كۇرەسىن وتباسىمەن بىرگە جينالىپ قاراۋ داستۇرگە اينالىپ بارادى دەسەك ارتىق بولمايدى. ءبىز وتانداسىمىزدى قولداپ قانا قويماي، وسكەلەڭ ۇرپاقتىڭ بويىندا وتانسۇيگىشتىك سەزىمىن تاربيەلەۋدەمىز.

قازاقستان حالقى گەنانىڭ كۇرەسىن وتباسىلارىمەن بىرگە ۇيدە تاماشالاۋدى جوسپارلاسا، تانىمال سپورتشى ايدار ماحمەتوۆ قازىرگى ۋاقىتتا ءابۋ-دابيدا ءوتىپ جاتقان دجيۋ-دجيتسۋ بويىنشا الەم چەمپيوناتىندا قولا مەدالدى يەلەندى. ءوزىنىڭ ايتۋىنشا، گەنانىڭ كۇرەسىن تىس قالدىرمايدى جانە ينتەرنەتتەگى kaztrk.kz سايتىنان تاماشالايتىن بولادى.

ايدار ماحمەتوۆ: «بۇل كۇرەستەن گەنا ءوزىنىڭ قارسىلاسىن كەزەكتى نوكاۋتقا جىبەرەدى دەگەن ويدامىن. ونىڭ ۇستىنە قارسىلاسى اسا قيىندىق تا تۋعىزباس. قارسىلاسىنىڭ جاس، ءارى ءورشىل ەكەنىنە قاراماستان، گەنا ءۇشىن اسا قاۋىپتى ەمەس. مەنىڭ پايىمداۋىمشا، جەكپە- جەك 6-راۋندتىڭ ءبىرىنشى جارتىسىندا نوكاۋدپەن اياقتالادى».

سونداي- اق، ءوزىنىڭ بولجامدارىمەن قازاقستاندىق تاەكۆوندوشى ارمان چيلمانوۆ پەن قازاقستاننىڭ م م ا فەدەراتسياسىنىڭ پرەزيدەنتى اناتولي كيم دە ءبولىستى. ولار بۇل كۇرەستى دوستارىممەن تاماشالايتىن بولادى. ولار دا گەنانىڭ جەڭىسىن كۇتەدى جانە وعان ءسوزسىز سەنەدى.

ءاربىر قازاقستاندىق بۇل كۇرەستى كۇتۋدە، ءارى گەنناديي گولوۆكيننىڭ جەڭىسىنە سەنەدى. گەننانىڭ ءاربىر جەكپە- جەگى ادەمى كۇرەس قانا ەمەس، قىزىقتى شوۋ.

ەستەرىڭىزگە سالا كەتەيىك، گولوۆكين مەن ۋەيدتىڭ جەكپە- جەگىن 24 -ءساۋىر كۇنى استانا ۋاقىتى بويىنشا ساعات 07:00 دە «قازاقستان» تەلەارناسىنان جانە kaztrk.kz سايتىنان تاماشالاي الاسىزدار. سونىمەن قاتار، جانكۇيەرلەر ءۇشىن «قازمەديا ورتالىعىندا» ارنايى ترانسلياتسيا ۇيىمداستىرالاتىن بولادى.