مەملەكەت باسشىسى «حيمفارم» ا ق جاڭا سەحىنىڭ جۇمىسىمەن تانىستى

 استانا. قازاقپارات - ەلباسى نۇرسۇلتان نازاربايەۆ و ق و- عا جۇمىس ساپارى اياسىندا «حيمفارم» ا ق جاڭا سەحىنا باردى.

اقوردانىڭ باسپا ءسوز قىزمەتىنەن حابارلاعانداي، قازاقستان پرەزيدەنتى كاسىپورىننىڭ جاڭا سەحىنىڭ جۇمىسىمەن، وندا شىعارىلاتىن ونىممەن تانىستى.

 مەملەكەت باسشىسى ەڭبەك ۇجىمىنىڭ وكىلدەرىمەن اڭگىمەلەسىپ، سەحتىڭ اشىلۋىمەن قۇتتىقتادى، تابىستى دامىپ، جوعارى باسەكەگە قابىلەتتى بولۋىن تىلەدى. ن. نازاربايەۆ بۇگىندە دارىلىك زاتتار بارىنشا پەرسپەكتيۆالىق نارىققا جاتاتىنىن تىلگە تيەك ەتتى، بۇل وتاندىق فارماتسيەۆتيكالىق سالا، كۇللى قالا ءۇشىن ۇلكەن مۇمكىندىكتەرگە جول اشادى دەدى.

ءوز كەزەگىندە سەح قىزمەتكەرلەرى پرەزيدەنتكە وسى سالانىڭ دامۋىنا باسا كوڭىل بولگەنى ءۇشىن العىس ءبىلدىردى.