رەسەيدە ءيت پۋشكيننىڭ قولتاڭباسى قويىلعان كىتاپ تاۋىپ الدى

استانا. قازاقپارات - حيمكيدا جەرگىلىكتى تۇرعىننىڭ ءيتى الەكساندر پۋشكيننىڭ ەسكى كىتابىن تاۋىپ الىپتى.

بۇل تۋرالى lenta.ru حابارلايدى.

ءيتتىڭ قوجايىنىنىڭ ايتۋىنشا تابىلعان كىتاپتى رەسەيلىك باسپالاردىڭ ءبىرى شىعارىپ 800 مىڭ رۋبلگە باعالاعان ەكەن. ايەل كىتاپتىڭ بەتتەرىندە اقىننىڭ قولتاڭباسى بار ەكەنىن دە ايتتى.

كىتاپ وڭدەۋگە جىبەرىلدى. سوسىن قۇندى مۇرا مۋزەيگە جونەلتىلمەك.

2014 -جىلى مادەنيەت مينيسترلىگى ۇلتتىق ەلەكتروندى كىتاپحانا باعدارلاماسى اياسىندا 1831 -جىلعا دەيىن باسىلعان كىتاپتاردى بەلگىلەپ شىعۋ تۋرالى باستاما كوتەرگەن. بۇل باعدارلاما 2020 -جىلعا دەيىن سوزىلماق.