قوستانايدا ۇيىندە بوسانىپ، بالاسىن تەرەزەدەن لاقتىرىپ جىبەرگەن قىز جازادان بوساتىلدى
قىزدىڭ اتا-اناسى ونىڭ جۇكتىلىگىنەن بەيحابار بولعان. ءارى بوسانعان كەزدە ءبىر ۇيدە بولعانىمەن ەشتەڭە ەستىمەگەن، ۇيىقتاپ جاتقان.
بۇل تۋرالى ناش قوستاناي باسىلىمى جازعان.
جەردە جىلاپ جاتقان نارەستەنى وسى ۇيدە تۇراتىن ەرلى- زايىپتىلار بايقاپ قالعان. ولار كوشەدەن تاۋىپ العان بالانى ۇيلەرىنە كىرگىزىپ، جەدەل جاردەم شاقىرتقان. باقىتىنا وراي بالا دالادا كوپ جاتپاعان، جاۋراپ ۇلگەرمەگەن.
ءبىر كۇننەن كەيىن جەرگىلىكتى پوليتسيا نارەستەنىڭ اناسىن تاپقان. وسىدان كەيىن بارىپ بالانىڭ اكەسى 19 جاستاعى اسكەردەگى جىگىت ەكەنىن انىقتاعان.
نارەستەنىڭ اناسىنا قاتىستى «جاڭا تۋىلعان بالانى ولتىرۋگە ارەكەتتەنۋ» بابى بويىنشا ءىس قوزعالعان. الايدا قىز سوت الدىندا جاۋاپقا تارتىلىپ، جازالانۋدان بوساتىلدى. بالانى بيولوگيالىق اناسىنىڭ شەشەسى اسىراپ العان. ياعني نارەستەنى قازىر اجەسى باعىپ جاتىر.
«بالانىڭ اكەسىن جابىرلەنۋشى بولىپ ەسەپتەلىنگەن. سەبەبى ول قىزدىڭ جۇكتىلىگىنەن بەيحابار بولىپتى. ءىستى پروكۋراتۋراعا وتكىزدىك. ورگان قىزمەتكەرلەرى بالانىڭ اكەسى مەن اناسى بولاشاقتا تابىساتىنىن انىقتاعان. قىز كۇيەۋىن اسكەردەن كەلگەنشە كۇتۋگە ءازىر. ال جىگىت وعان ۇيلەنبەكشى»، - دەيدى قوستاناي وبلىستىق ءى ءى د باسپا ءسوز قىزمەتى.
Stan.kz
