اۋىر اتلەتيكادان ازيا چەميوناتىنىڭ العاشقى باسەكەسى جەكسەنبى كۇنى باستالادى

استانا. قازاقپارات - بيىل اۋىر اتلەتيكادان ازيا چەمپيوناتى تاشكەنت قالاسىندا وتكەلى تۇر. بۇل دا سپورت سۇيەر قاۋىمنىڭ نازارىن وزىنە اۋداراتىن ءىس-شارا بولماق.

ويتكەنى الەم بويىنشا نەبىر مىقتى اۋىر اتلەتتەر ازيادا تۇرادى.

«قازسپورت» تەلەارناسى ازيا چەمپيوناتىن تىكەلەي ەفيردە كورسەتۋدى جوسپارلاپ وتىر. 24- ءساۋىر، جەكسەنبى كۇنى استانا ۋاقىتىمەن 17:00 دە 48 كەلىگە دەيىنگى سالماقتاعى قىزدار باسەكەسى باستالادى. ساعات 20:00 دە 56 كەلىگە دەيىنگى سالماقتا ەرلەر كۇش سىناسادى.

ءبىرقاتار سالماقتار بويىنشا قازاقستان سپورتشىلارى دا ءوز الەۋەتتەرىن كورسەتەدى. الدىن الا بەرىلگەن مالىمەتتەر بويىنشا، بۇل دوداعا ءبىزدىڭ ەلدىڭ بەس سپورتشىسى قاتىسادى. ويتكەنى بۇل چەميونات وليمپياداعا جولداما بەرەتىن ليتسەنزيالىق جارىس بولىپ تابىلادى.

ەكى الەم چەمپيوناتىنىڭ قورىتىندىسى بويىنشا قازاقستاننىڭ اۋىر اتلەتتەرى ريو-دە-جانەيرو قالاسىندا وتەتىن ХХХІ   وليمپيادا ويىندارىنا تولىق قۇرامدا قاتىسۋ ءۇشىن قاجەتتى ليتسەنزياعا يە بولعان ەدى. اتاپ ايتقاندا، ريوعا 6 ەر جانە 4 ايەل ادامعا جولداما الىندى. ال ناقتى كىمدەر قاتىساتىنى جاھاندىق باسەكە ەكى اي قالعاندا بەلگىلى بولماق.

اۋىر اتلەتيكا بويىنشا قازاقستان ۇلتتىق قۇراماسىنىڭ باس باپكەرى الەكسەي ني باسپا سوزگە بەرگەن سۇحباتىندا ماۋسىمنىڭ 3 ءى مەن 7 ءسى ارالىعىندا تالدىقورعان قالاسىندا قازاقستان بىرىنشىلىگى وتكەن سوڭ، وليمپيادا ويىندارىنا باراتىن ۇمىتكەرلەردىڭ ناقتى قۇرامى بەلگىلى بولاتىنىن مالىمدەي كەلىپ: «بىزگە وليمپيادا الدىندا جاقسى دايىندىعى بار جانە ريودا ەڭ جوعارعى ورىن ءۇشىن كۇرەسە الاتىن مىقتى سپورتشىلار كەرەك»، - دەگەن ەدى.

اۆتور: ايدىن بايمەن