ە. ىدىرىسوۆ: قازاقستان ەۋروپالىق وداقتىڭ الەمدەگى ورنى ساقتالاتىنىنا سەنەدى
بۇل تۋرالى ХІІІ ەۋرازيا مەديا فورۋمىنىڭ ءۇشىنشى كۇنىندە ءسوز الا وتىرىپ، قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ ءمالىم ەتتى.
«ەۋروپا - بىردەن-ءبىر الەم نازار تىگەتىن ورتالىق. ەۋروپا دامىعان تەحنولوگيا مەن ينۆەستيتسيالاردىڭ كوزى ەمەس، ەۋروپا - جاڭا قۇندىلىقتاردىڭ، يننوۆاتسيالار مەن ساياسي رەفورمالاردىڭ باستاۋى. سوندىقتان، قازاقستان ءۇشىن ەۋروپانىڭ ءرولى مەن ورنى ساقتالا بەرەدى»، - دەدى ءوز ويىن جەتكىزگەن ە. ىدىرىسوۆ.
«ەۋروپا قازىرگى قاۋىپ-قاتەرلەردى جەڭە الاتىنىنا سەنەمىز»، - دەپ تولىقتىردى پىكىرىن ە. ىدىرىسوۆ.
«وزدەرىڭىز بىلەتىندەي، قازاقستان ينتەگراتسيانى، ياعني، ىقپالداسۋ شارالارىن قولدايدى، سوندىقتان، ەۋرازيالىق ەكونوميكالىق ينتەگراتسيانىڭ يدەياسى ەۋروپالىق وداقتىڭ ينتەگراتسيا جونىندەگى ۇلگىسىنەن شابىت الدى»، - دەپ ءتۇسىندىردى قازاقستاننىڭ سىرتقى ىستەر ءمينيسترى.
ە. ىدىرىسوۆتىڭ پىكىرىنشە، الەم بويىنشا ەۋروپالىق وداقتاي ينتەگراتسيانىڭ ۇلگىسىن جاساعان قاۋىمداستىق جوق.
«ەۋروپانىڭ الەمدەگى ورنى ساقتالا بەرەتىنىنە سەنەمىز. قازاقستان ءۇشىن ەۋروپا ەڭ ءىرى ساياسي جانە ساۋدا-ساتتىقتاعى جاقسى ارىپتەس بولىپ قالا بەرەدى»، - دەگەن ە. ىدىرىسوۆتى فورۋمعا قاتىسىپ جاتقان شەتەلدىك ارىپتەستەرى «ەۋروپانىڭ مىقتى ادۆوكاتى» دەپ قالجىڭدادى.
اۆتور: كەنجەكەي توقتامۇرات قىزى
