بۇگىن - ءسابيت مۇقانوۆتىڭ تۋعان كۇنى
ءسابيت مۇقانوۆ قازاق ادەبيەتىندە رومان جانرىنىڭ دامۋىن بيىك شىڭعا كوتەردى. «جۇمباق جالاۋ» (كەيىننەن «بوتاكوز») رومانىندا ريەۆوليۋتسيالىق الاساپىران كەزدى باسىنان وتكەرگەن قازاق ايەلىنىڭ تاعدىرى بەينەلەنسە، «سىرداريا» رومانىندا ۇلى وتان سوعىسى كەزىندەگى تىلداعى ەڭبەكشىلەردىڭ قايسارلىعى، حالىقتار دوستىعى، ۇرپاقتان-ۇرپاققا جالعاسقان ۇندەستىك ءسوز ەتىلگەن.
«اققان جۇلدىز» ديلوگياسى ايگىلى عالىم شوقان ءۋاليحانوۆقا ارنالعان. «ءومىر مەكتەبى» تريلوگياسىندا اۆتور ءوز عۇمىرىن كەزەڭ-كەزەڭمەن اڭگىمەلەي وتىرىپ، قازاق حالقىنىڭ جارتى عاسىر بويعى تاريحىنىڭ دا شىنشىل شەجىرەسىن جاسايدى. شىعارمالارى ت م د جانە شەتەلدىڭ ءبىرقاتار تىلدەرىنە اۋدارىلعان.
اباي اتىنداعى مەملەكەتتىك سىيلىقتىڭ لاۋرەاتى. ەكى رەت لەنين وردەنىمەن، ەكى رەت ەڭبەك قىزىل تۋ، «قۇرمەت بەلگىسى» وردەندەرىمەن جانە مەدالدارمەن ماراپاتتالعان.
