دەنساۋلىق: جاسىل وسكىندەرى بار كارتوپتى نەگە جەۋگە بولمايدى؟

استانا. قازاقپارات - كارتوپتى دۇرىس ساقتاماسا، ول جاسىل تۇسكە ەنە باستايتىندىعىن ءبارىمىز بىلەمىز. ءدال وسى جاسىل قاباتتا ءتىپتى قايناتقاندا دا بۇزىلمايتىن ۋلى سولانين جيناقتالادى.

القا تۇقىمدى وسىمدىكتەردىڭ بارلىعى، سونىمەن قاتار، كارتوپ تا سولانين دەپ اتالاتىن ۋلى زاتتان تۇرادى. ول تۇقىمدى پارازيت ساڭىراۋقۇلاقتاردان قورعاپ تۇراتىن زات. ءتىپتى، پىسكەن كارتوپتان دا ونىڭ ىزدەرىن تابۋعا بولادى. ەگەر سونداي كارتوپتى جەسە، ادام قاتتى ۋلانىپ قالۋى مۇمكىن: اۋىزدا اشى ءدام پايدا بولادى، ادام لوقسىپ، قۇسىپ، ءىشى اۋىرادى. ال ودان دا قيىن جاعدايدا كەڭىستىكتە باعىتتان جاڭىلىسۋ پايدا بولادى. «مەڭدۋانا جەگەندەي قۇتىرۋ» (القا تۇقىمدىعا جاتاتىن مەڭدۋانانىڭ قۇرامىندا دا سولانين بار) دەگەن تىركەس وسى سولانينمەن ۋلانعان ادامنىڭ تۇرپايى ءجۇرىس-تۇرىسىن سيپاتتايدى.

كارتوپتىڭ جاسىل قاباتىن تۇقىمنىڭ تەك تورتتەن ءبىر بولىگىن الىپ تۇرسا عانا كەسىپ الىپ تاستاۋعا بولادى. ال ودان كوپ بولىگى زاقىمدانسا، پايدالانۋعا بولمايدى. سونداي-اق، وسكىندەرى ءوسىپ كەتكەن كارتوپتىڭ دا قۇرامىندا سولانين كوپ بولادى. اسىرەسە، ەڭ كوپ قورى وسكىننىڭ ءوسىپ شىققان كوزشەلەرىندە جيناقتالادى.

تورتتەن ءبىر بولىگى جاسىل بولىپ كەتكەن كارتوپتى جەۋگە بولمايدى. ال ودان از بولسا، سولانيننىڭ جيناقتالعان جەرلەرىن مىندەتتى تۇردە كەسىپ الىپ تاستاۋ قاجەت.

yvision.kz سايتىنان الىندى.