جازعى وليمپيادا ويىندارىنىڭ الاۋى جاعىلدى
دەپ حابارلادى ر ي ا نوۆوستي.
جازعى وليمپيادالىق ويىندار 5-21 - تامىزدا ريو- دە- جانەيرودا وتەدى. راسىمنەن كەيىن گەرا شىركەۋىندە وليمپيادالىق الاۋ ەستافەتاسى باستالادى. ول ءبىرىنشى كۇندەرى گرەكيا اۋماعىندا وتەدى، 27 - ساۋىردە ريو-2016 ۇيىمداستىرۋ كوميتەتىنىڭ دەلەگاتسياسىنا تابىستالادى.
ءداستۇر بويىنشا ەستفەتانى گرەكيالىق سپورتشى باستايدى. وسى جولى الاۋدى سپورت گيمناستيكاسى بويىنشا 2015 - جىلعى الەم چەمپيونى 25 جاستاعى ەلەفتەريوس پەترۋنياس ۇستاپ شىعادى. ەستافەتانىڭ ءوز كەزەڭىنەن سوڭ ول ەسكەرتكىش الدىندا الاۋدى برازيليالىق ۆولەيبول بويىنشا ەكى دۇركىن الەم چەمپيونى دجوۆانە گاۆيوعا تابىستايدى. گرەكيادا الاۋدى ەلدە تاعدىرىنىڭ شەشىلۋىن كۇتىپ وتىرعان مىڭداعان بوسقىنداردىڭ ءبىرى الىپ وتەدى.
برازيليادا ەستافەتا ەل استاناسىندا 3 - مامىردا باستالادى. ويىندار جۇرەتىن ەل اۋماعىندا الاۋدى 12 مىڭ ادام الىپ وتەدى. ەستافەتا ريو- دو- جاينەرودا 5 - ساۋىردە وليمپيادا اشىلاتىن كۇنى ماراكانا ستاديونىندا اياقتالادى. وليمپيادا ويىندارىنىڭ باس ءرامىزى ستاديوندا 21 - تامىزدا ويىن اياقتالعانعا دەيىن جانىپ تۇرادى.
