عالىمدار دوڭىزدىڭ ۇيقى بەزىن ادامعا ءساتتى ورنالاستىردى

 استانا. قازاقپارات - ورتالىق وڭتۇستىك ۋنيۆەرسيتەتىندەگى قىتايلىق عالىمدار سيدنەي ۋنيۆەرسيتەتىنىڭ (اۆستراليا) زەرتتەۋ توبىمەن بىرلەسىپ سۋسامىرمەن اۋىراتىن ناۋقاسقا دوڭىزدىڭ ۇيقى بەزىن ءساتتى ورنالاستىرا العانىن حابارلادى.

وتا 2013 -جىلعى شىلدەدەن 2016 - جىلعى اقپان ارالىعى كەزەڭىندە جاسالدى. قازىر ونى ءساتتى ءوتتى دەپ ايتۋعا بولادى. ءبىر جاعدايدا ينسۋليندى پايدالانۋعا قاجەتتىلىك 80,5 پايىزعا ازايدى. تاعى ەكى ناۋقاستىڭ دا دەنساۋلىعى جاقساردى. ولاردا ينسۋلين مولشەرىن 57 پايىز، تيىسىنشە 56 پايىزعا تومەندەتە الدى.

 بۇل وتالار دونور اعازلاردىڭ تاپشىلىعىن جويۋعا باعىتتالعان باعدارلامانى ىسكە اسىرۋ اياسىندا جۇرگىزىلدى. جانۋارلاردىڭ اعزاسىن ترانسپلانتاتسيالاۋعا پايدالانۋ تۋرالى ايتىلىپ كەلە جاتقانىنا كوپ بولدى. ازىرگە عالىمدار دوڭىز ورگاندارىن مايمىلعا ورنالاستىرىپ بايقاپ كورۋدە. قازىر دوڭىزدان الىنعان دونور جۇرەكپەن ەكى جىل ءومىر ءسۇرىپ جاتقان مايمىل بار. Revivcor كومپانياسى مايمىلعا دوڭىز وكپەسىن ورنالاستىرۋعا ازىرلەنىپ جاتقانىن حابارلادى، دەپ جازدى «مەد نوۆوستي» پورتالى.