مۇحيت تۇرسىنوۆ بيىلعى «قازاقستان بارىسىنان» شەتتەتىلدى

استانا. قازاقپارات - قازاقستان رەسپۋبليكاسى قازاق كۇرەسى فەدەراتسياسى ش ق و- دا وتكەن «قازاقستان بارىسىنا» ىرىكتەۋ جارىسىنىڭ داۋلى ماسەلەلەرىنە بايلانىستى قورىتىندىسىن شىعاردى.

بۇل تۋرالى جارىستىڭ رەسمي سايتى حابارلاپ وتىر، دەپ جازادى massaget.kz.

قازاقستان رەسپۋبليكاسى قازاق كۇرەسى فەدەراتسياسى اتقارۋ كوميتەتىنىڭ وتىرىسى وتكەنىن حابارلايدى. اتقارۋ كوميتەتىنىڭ وتىرىسىندا 2016-جىلعى 10- ءساۋىر كۇنى سەمەي قالاسىندا ۇيىمداستىرىلعان قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن. ءا. نازاربايەۆتىڭ جۇلدەسى ءۇشىن قازاق كۇرەسىنەن «قازاقستان بارىسى» رەسپۋبليكالىق تۋرنيرىنىڭ شىعىس قازاقستان وبلىستىق ىرىكتەۋ جارىستارىنىڭ ءۇشىنشى - وبلىستىق كەزەڭىنىڭ ماسەلەلەرى تالقىلاندى.

اتاپ ايتقاندا، ىرىكتەۋ كەزەڭى بارىسىندا كۇش سىناسقان داۋرەن نۇرالينوۆ پەن مۇحيت تۇرسىنوۆتىڭ بەلدەسۋىنە قاتىستى وربىگەن داۋ قارالدى.

اتالعان كەزدەسۋ «ا» توبىنداعى د. نۇرالينوۆتىڭ ءبىرىنشى، م. تۇرسىنوۆتىڭ ەكىنشى بەلدەسۋى بولعان. بەلدەسۋدى تالداۋ بارىسىندا د. نۇرالينوۆتىڭ جاتتىقتىرۋشىسى ا. ارقابايەۆتىڭ فەدەراتسياعا 2016-جىلى ءساۋىردىڭ 19 كۇنى جازعان ارىزى، جارىس حاتتامالارى، جارىستىڭ باس تورەشىسى ش. تۇرسىنوۆتىڭ، كىلەم جەتەكشىسى ج. ورالبەكوۆتىڭ، ورتاداعى تورەشى ب. اقجىگىتوۆتىڭ جانە قاپتالداعى تورەشى ە. كونكيەۆتىڭ، جارىسقا باقىلاۋ جاساۋعا فەدەراتسيا تاراپىنان وكىل رەتىندە جىبەرىلگەن قازاق كۇرەسىنەن مەملەكەتتىك جاتتىقتىرۋشى م. جاقىتتىڭ بەلدەسۋگە قاتىستى تۇسىنىكتەمەلەرى، جالپى تۋرنيردىڭ جانە ناقتى اتالعان بەلدەسۋدىڭ بەينە ءتۇسىرىلىمى نەگىزگە الىندى.

اتقارۋ كوميتەتى اتالعان ماتەريالداردى قاراۋ جانە بەلدەسۋدىڭ بەينەتۇسىرىلىمىن تالداۋ بارىسىندا بەلدەسۋگە تورەشىلىك جاساعان تورەشىلەردىڭ ورەسكەل قاتەلىكتەرگە جول بەرگەندىگىن جانە سول ارقىلى بالۋان م. تۇرسىنوۆتىڭ جەڭىسكە جەتۋىنە جاعداي جاساعاندىعىن انىقتادى.

مىسالى، بەلدەسۋدىڭ ءۇشىنشى مينۋتىندا د. نۇرالينوۆ ءادىس جاساۋ ارقىلى م. تۇرسىنوۆتىڭ ەكى جاۋىرىنىن جەرگە تيگىزىپ، تازا جەڭىسكە قول جەتكىزگەن. ورتاداعى تورەشى ب. اقجىگىتوۆ بۇل ءادىستى «تازا جەڭىس» دەپ باعالاعانىمەن كىلەم جەتەكشىسى ج. ورالبەكوۆ ب. اقجىگىتوۆ پەن قاپتالداعى تورەشى ە. كونكيەۆتى شاقىرىپ الىپ، تورەشىلەردىڭ پىكىرىن وزگەرتۋگە ماجبۇرلەگەن.

ناتيجەسىندە تورەشىلەر ءادىستى «جارتىلاي جەڭىس» دەپ باعالاپ، كەزدەسۋدى جالعاستىرعان. بۇعان د. نۇرالينوۆتىڭ جاتتىقتىرۋشىسى ا. ارقابايەۆ قامشى كوتەرىپ، نارازىلىعىن بىلدىرمەگەن. سونداي-اق، وسى ادىستەن كەيىنگى بەلدەسۋ بارىسىندا د. نۇرالينوۆتىڭ جاساعان ادىستەرى دۇرىس ەسەپتەلىنبەگەن، ۇپاي بەرىلمەگەن. كەرىسىنشە، د. نۇرالينوۆقا ورىنسىز ەسكەرتۋلەر جاسالعان.

بەلدەسۋ بارىسىندا كىلەم جەتەكشىسى ج. ورالبەكوۆ ورتاداعى تورەشى مەن قاپتالداعى تورەشىنى وزىنە شاقىرىپ، سونداي-اق ميكروفون ارقىلى ءتيىستى نۇسقاۋلار بەرگەن جانە وسىعان وراي تورەشىلەر ب. اقجىگىتوۆ پەن ە. كونكيەۆ كىلەم جەتەكشىسىنىڭ ىڭعايىنا جىعىلعان.

ناتيجەسىندە، تورەشىلەر بەلدەسۋدىڭ نەگىزگى ۋاقىتىندا ۇپاي سانىن تەڭ قىلىپ، قويان-قولتىق بەلدەسۋگە جەتكىزگەن. قويان-قولتىق بەلدەسۋ بارىسىندا م. تۇرسىنوۆ جەڭىسكە جەتكەن. بەلدەسۋدەن سوڭ د. نۇرالينوۆتىڭ جاتتىقتىرۋشىسى ۇيىمداستىرۋ كوميتەتىنە نەمەسە تورەشىلەر القاسىنا قازاق كۇرەسىنىڭ ەرەجەسىنە سايكەس 30 (وتىز) مينۋتتىڭ ىشىندە بەلدەسۋدىڭ ناتيجەسىنە قاتىستى نارازىلىق حاتىن تۇسىرمەگەن.

جوعارىدا كورسەتىلگەن دەرەكتەردى نەگىزگە الا وتىرىپ، فەدەراتسيانىڭ اتقارۋ كوميتەتى تومەندەگىدەي قاۋلى قابىلدادى:

1. وسى ىرىكتەۋ تۋرنيرىنىڭ باس تورەشىسى بولىپ بەكىتىلگەن ش. تۇرسىنوۆتىڭ وسىعان دەيىن تورەشىلىك قىزمەتى بارىسىندا جىبەرگەن قاتەلىكتەرى ءۇشىن فەدەراتسيا تاراپىنان 2014-جىلدىڭ قاڭتارىنان 2016-جىلدىڭ قاڭتارىنا دەيىن ەكى جىلعا تورەشىلىكتەن شەتتەتىلگەنىن جانە تورەشىلىككە قايتا كىرىسكەنىنە ءۇش اي عانا ۋاقىت وتكەندىگىن ەسكەرە وتىرىپ، وسى جارىستىڭ بارىسىندا ەرەجەنىڭ ورەسكەل بۇزىلۋىنا جول بەرگەندىگى ءۇشىن ش. تۇرسىنوۆ قازاق كۇرەسىنىڭ بارلىق دەڭگەيدەگى جارىستارىنىڭ تورەشىلىگىنەن مۇلدەم الاستاتىلدى.

2. جارىستىڭ كىلەم جەتەكشىسى بولعان ج. ورالبەكوۆ اتالعان بەلدەسۋ بارىسىندا دۇرىس شەشىم قابىلداماعانى، كىلەمدەگى جانە قاپتالداعى تورەشىلەردىڭ ادىلەتتى تورەشىلىك جاساۋىنا كەدەرگى كەلتىرگەندىگى ءۇشىن قازاق كۇرەسىنىڭ بارلىق دەڭگەيدەگى جارىستارىنىڭ تورەشىلىگىنەن بەس جىل مەرزىمگە شەتەتتىلدى.

3. وسى كەزدەسۋدە كىلەمدەگى تورەشى قىزمەتىن اتقارعان ب. اقجىگىتوۆ جانە قاپتالداعى تورەشى ە. كونكيەۆ بەلدەسۋ بارىسىندا ءادىل تورەشىلىك جاساماعاندارى ءۇشىن ءبىر جىل مەرزىمگە قازاق كۇرەسىنىڭ بارلىق دەڭگەيدەگى جارىستارىنىڭ تورەشىلىگىنەن شەتەتتىلدى.

4. فەدەراتسيانىڭ اتىنان قازاقستان رەسپۋبليكاسى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنە اتالعان تورەشىلەردى تورەشىلىك دارەجەلەرىنەن ايىرۋ تۋرالى ۇسىنىس حات جولداندى.

5. فەدەراتسيا تاراپىنان ىرىكتەۋ تۋرنيرىنە باقىلاۋ جاساۋعا بارعان مەملەكەتتىك جاتتىقتىرۋشى م. جاقىتقا جارىستىڭ ءادىل وتۋىنە باقىلاۋ جاساماعانى ءۇشىن قاتاڭ ەسكەرتۋ جاسالدى.

6. د. نۇرالينوۆتىڭ جاتتىقتىرۋشىسى ا. ارقابايەۆ بەلدەسۋ بارىسىندا بىردە-ءبىر رەت قامشى كوتەرىپ، كۇرەس ادىستەرىنىڭ دۇرىس باعالانباۋىنا نارازىلىق تانىتپاعاندىقتان جانە بەلدەسۋ سوڭىندا ەرەجەگە سايكەس 30 (وتىز) مينۋتتىڭ ىشىندە تورەشىلەردىڭ شەشىمدەرىنە قاتىستى باس تورەشىنىڭ اتىنا نارازىلىق حاتىن جازباعاندىقتان تۋرنيردىڭ ناتيجەسى وزگەرىسسىز قالدىرىلدى.

7. ىرىكتەۋ سىنىنىڭ ادىلەتتى وتپەۋىنە بايلانىستى، كورسەتىلگەن فاكتىلەردى ەسكەرە وتىرىپ، م. تۇرسىنوۆتى «قازاقستان بارىسى» رەسپۋبليكالىق تۋرنيرىنىڭ 2016-جىلعى اقتىق سىنىنا جىبەرمەۋ تۋرالى شەشىم قابىلداندى.

8. «قازاقستان بارىسى» رەسپۋبليكالىق تۋرنيرىنىڭ 2016-جىلعى اقتىق سىنىنىڭ جولداماسى شىعىس قازاقستان وبلىسىنىڭ ىرىكتەۋ سىندارىندا ءۇشىنشى ورىن العان ا. قۇسايىنوۆقا بەرىلدى.

9. ىرىكتەۋ تۋرنيرىن ۇيىمداستىرۋ، وتكىزۋ بارىسىندا ورەسكەل قاتەلىكتەرگە جول بەرگەنى جانە ءتيىستى شارالار قابىلداماعانى ءۇشىن شىعىس قازاقستان وبلىستىق قازاق كۇرەسى فەدەراتسياسىنا 2000000 (ەكى ميلليون) تەڭگە مولشەرىندە ايىپپۇل سالىندى.

قازاقستان رەسپۋبليكاسى قازاق كۇرەسى فەدەراتسياسى التى جىلدىڭ ىشىندە ەل ىقىلاسىنا بولەنگەن، قازاق كۇرەسىنىڭ دامۋىنا ىقپال ەتكەن «قازاقستان بارىسى» رەسپۋبليكالىق تۋرنيرىنىڭ شىعىس قازاقستان وبلىستىق ىرىكتەۋ جارىستارى بارىسىندا قاتەلىكتەرگە جول بەرىلگەندىگىنە وكىنىش بىلدىرەدى، ءارى بولاشاقتا وسىنداي جاعدايلاردىڭ قايتالانباۋىنا كۇش سالادى.