شاڭحاي ىنتىماقتاستىعى ۇيىمى حالىقارالىق فورۋمى ۇنەمى سوچيدە وتەتىن بولادى
ونىڭ نەگىزگى ساتتەرىنىڭ ءبىرى - سوچيدە قوعامدىق ديپلوماتتاردىڭ ۇنەمى كەزدەسىپ تۇراتىندىعى، دەپ حابارلايدى vesti-sochi.tv.
بۇگىنگى تاڭدا شاڭحاي ىنتىماقتاستىعى ۇيىمىنا (ش ى ۇ) التى ەل كىرەدى: رەسەي، قازاقستان، قىتاي، قىرعىزستان، تاجىكستان جانە وزبەكستان. 2015-جىلى بۇل قۇرامعا پاكىستان مەن ءۇندىستاندى قابىلداۋ تۋرالى شەشىم شىعارىلدى.
سوچيدە كەلەسى فورۋمنىڭ قاشان وتكىزىلەتىندىگى ازىرشە بەلگىسىز. ءبىراق ونىڭ باستاماشىسى بولعان كونستانتين ءزاتۋلليننىڭ ايتۋىنشا، سوچينسك الاڭى ەندى ۇدايى جۇمىس ىستەيتىن بولادى.
«ش ى ۇ تۋرالى وتە پوزيتيۆتى ويلاۋ قالىپتاستى. سونداي-اق سوچي قالاسى، مۇنداعى فورۋم جۇمىسىنىڭ جوعارى دەڭگەيدە وتۋىنە وڭدى اسەر ەتكەن تاماشا جاعداي دا پوزيتيۆتى كوزقاراس قالىپتاستىردى»، - دەدى حالىقارالىق فورۋمدى ۇيىمداستىرۋ كوميتەتىنىڭ جاۋاپتى حاتشىسى، ت م د ەلدەرى ينستيتۋتىنىڭ ديرەكتورى كونستانتين زاتۋلين.
