ق ر مادەنيەت جانە سپورت ءمينيسترى ورىس پراۆوسلاۆ شىركەۋىنىڭ باسشىسىمەن كەزدەستى

استانا. قازاقپارات - قازاقستان رەسپۋبليكاسى مادەنيەت جانە سپورت ءمينيسترى ا. مۇحامەدي ۇلىنىڭ قازاقستان رەسپۋبليكاسىنداعى ورىس پراۆوسلاۆ شىركەۋىنىڭ ميتروپوليالىق ايماعىنىڭ باسشىسى ميتروپوليت الەكساندرمەن كەزدەسۋى ءوتتى.

قازاقستاندىق ۆەدومستۆونىڭ باسشىسى مەن ميتروپوليت مەملەكەتتىك- كونفەسسيونالدىق قاتىناستار سالاسىنداعى كەڭ ماسەلەلەر اۋقىمىن تالقىلادى. بۇل تۋرالى اتالعان مينيسترلىكتىڭ باسپا ءسوز قىزمەتىنەن حابارلادى.

قازاقستان پراۆوسلاۆ قاۋىمىنىڭ باسشىسىمەن كەزدەسۋدى اشا وتىرىپ، مينيستر ورىس پراۆوسلاۆ شىركەۋىنىڭ ەلدەگى ءدىنارالىق كەلىسىم مەن بىرلىكتى ساقتاۋ مەن كۇشەيتۋ ىسىنە قوسىپ جۇرگەن ەلەۋلى ەلەسىن ايتىپ ءوتتى.

«پراۆوسلاۆ شىركەۋى قوعامداعى كەلىسىم مەن بەيبىتشىلىكتى كۇشەيتۋگە، قازاقستانداعى مەملەكەت پەن ءدىني بىرلەستىكتەر اراسىنداعى ءتيىمدى سۇحباتتىڭ دامۋىنا زور ۇلەس قوسىپ جاتىر. ءبىز سىزدەرمەن قازاقستان حالقىنىڭ جارقىن بولاشاعى جولىنداعى ىنتىماقتاستىققا ءاردايىم ءازىرمىز»، - دەدى ارىستانبەك مۇحامەدي ۇلى.

ميتروپوليت الەكساندر ۆەدومستۆو باسشىسىنا جىلى سوزدەرى مەن جەمىستى ارىپتەستىككە دايىندىعى ءۇشىن زور العىسىن ءبىلدىردى. ول 3-5 -ماۋسىم ارالىعىندا استانادا بۇكىل ەل ايماقتارىنان 350 ادام قاتىساتىن پاسحا ءانىنىڭ فەستيۆالى وتەتىندىگىن حابارلادى. «ءبىز ءسىزدى ەلىمىزدىڭ بارلىق وبلىستارىنىڭ تۇرعىندارى جينالاتىن بۇل اتاۋلى شارانىڭ قۇرمەتتى قوناعى بولعانىڭىزدى قالايمىز»، - دەپ نيەتىن ءبىلدىردى ميتروپوليت.

سونىمەن قاتار پراۆوسلاۆ شىركەۋى وكىلىنىڭ حابارلاۋىنشا، بيىل ولاردىڭ تاراپىنان قازاقستان رەسپۋبليكاسى تاۋەلسىزدىگىنە وراي ءبىرقاتار ءىس- شارالار وتكىزۋ جوسپارلانعان.

سونداي- اق اڭگىمەلەسۋشىلەر مەملەكەتتىك-كونفەسسيونالدىق قاتىناستار سالاسىنداعى سۇراقتاردىڭ كەڭ شەڭبەرىن قاراستىرىپ، گۋمانيتارلىق جانە رۋحاني ارىپتەستىكتىڭ كەيبىر قورىتىندىلارى جاسادى. قازاقستان پراۆوسلاۆ شىركەۋىنىڭ قازاقستان رەسپۋبليكاسىنىڭ - ەگەمەندى جانە تاۋەلسىز كەزەڭىندەگى قازاقستان پراۆوسلاۆ شىركەۋىنىڭ 25 جىلدىق دامۋ جولىنا باعا بەرىپ، زاماناۋي كەزەڭدەگى پراۆوسلاۆ شىركەۋىنىڭ قىزمەتىنىڭ مىندەتتەرى مەن دامۋىنىڭ نەگىزگى ماسەلەلەرىن قاراستىردى.