انتروپولوگتار ەرلەردىڭ شىلىمعا دەگەن قۇمارلىعىنىڭ قۇپياسىن ءتۇسىندىردى

استانا. قازاقپارات - كەيسي رۋلەتت باسشىلىعىمەن جۇمىس ىستەيتىن ۆاشينگتون ۋنيۆەرسيتەتىنىڭ انتروپولوگتارى ەركەكتەردىڭ ايەلدەرگە قاراعاندا شىلىمعا دەگەن قۇمارلىعىنىڭ سىرىن انىقتادى.

ماماندار تەمەكى تۇتىناتىن ايەلدەر مەن ەركەكتەردىڭ گەندىرلىك تەڭدىگىن سالىستىرعان. ولار وسى ءبىر جامان ادەت بويىنشا افريكالىق تايپا ادامدارى اراسىندا سىناق جۇرگىزگەن.

بۇل تۋرالى lenta.ru سايتى جازعان.

افريكالىق ەلدەردەن تاراعان تايپا ايەلدەرى شىلىمنىڭ جۇكتىلىك كەزىندە، كىشكەنتاي بالالارعا زيانى كوپتىگىن ءتۇسىنىپ باس تارتۋعا تىرىسادى ەكەن. تۇرمىسقا شىقپاعان قىزدار شىلىمدى جىگىتتەردىڭ جۇرەگىن جاۋلاۋ كەزىندە وزدەرىنە كەرى اسەرىن بەرەتىن جامان ادەت دەپ تە تۇسىنەدى. ايەلدەر تەمەكى تۇتىناتىن ەركەكتەردى تاۋەكەلشىل، ءوز وتباسىنىڭ جاۋاپكەرشىلىگىن موينىنا الا الاتىن ازامات دەپ تۇسىنەدى.

زەرتتەۋشىلەر اككا تايپاسىنداعى تەمەكى شەگۋدى گەندەرلىك جانە جاسقا قاراي بولىپ بولىنەدى دەگەن. بۇل تايپادا ايەلدەر مەن ەرلەرگە تەمەكى تۇتىنۋعا قاتىستى بىردەي ەرىك بەرىلگەن. 30 مىڭداي حالقى بار تايپا ىشتەي تاعى بىرنەشە توپقا ءبولىنىپ، تۇراتىن جەرلەرىن دە ءوز ارا رەتتەستىرىپ العان. ابوريگەن تايپاسىنىڭ ادامدارى شىلىمدى العاش رەت XIX عاسىردا كورگەن. ولار وزدەرىنىڭ قوعامنان وقشاۋلانۋىنا بايلانىستى تەمەكىنى جارنامالايتىن نەمەسە ونىڭ زيانىن تۇسىندىرەتىن كومپانيالاردىڭ ناسيحاتىن تىڭداماعان.

ماماندار ابوريگەندەر اراسىندا شىلىمنىڭ قانشالىقتى تۇتىنىلاتىنى جايلى ساۋالناما جۇرگىزىپ كورگەن. بۇدان بولەك انتروپولوگتار ادامداردىڭ سىلەكەيىنەن تەست العان. وندا ەركەكتەردىڭ 94 پايىزى شىلىمعا اۋەس بولسا تەكسەرۋدەن وتكەن ايەلدەردىڭ تەك 5 پايىزى تەمەكىگە تاۋەلدى بولعان. ماماندار مۇنداي ايىرماشىلىق كوپتەگەن قوعام وكىلدەرى اراسىندا جۇرگىزىلگەن تاجىريبە ناتيجەسى بويىنشا سايكەس كەلگەنىن ايتادى.

اككا تايپاسىنداعى ايەلدەرگە تەمەكى شەگۋگە شەكتەۋ قويىلعان. كوپتەگەن ايەلدەر جۇكتىلىك، ەمىزۋلى كەزىندە بالالارعا زيانى تيمەس ءۇشىن وزدەرىن ۇستايتىندارىن ايتقان. كوپشىلىگىنە شىلىمنىڭ ءدامى ۇناماسا، قالعاندارى تەمەكىگە اۋەس ايەلدەردىڭ ەركەكتەرگە ۇنامايتىنىن جاقسى تۇسىنەدى. ال تەمەكى تۇتىناتىن ايەلدەردىڭ كوبىسى ورتا جاستان اسقاندار ەكەن.

ابوريگەن تايپاسىنداعىلاردىڭ كوپشىلىگى شىلىم تۇتىناتىن ايەلدەر اراعا بىرنەشە جىل سالىپ، ەركەكتەرگە ۇقساپ قالادى دەگەن تۇسىنىكتە. مۇنىڭ ءوزى تايپاداعى جاس ايەلدەردىڭ بويىن شىلىمنان اۋلاق ۇستاۋىنا اسەر بولۋى مۇمكىن.

Stan.kz