قاراعاندى وبلىسىنىڭ بۇرىنعى اكىمى ب. ابدىشەۆ مەرزىمىنەن بۇرىن بوساتۋ تۋرالى ارىزىن كەرى قايتارىپ الدى - سوت
بۇل تۋرالى قاراعاندى وبلىستىق سوتىنىڭ باسپا ءسوز قىزمەتىنەن حابارلاندى.
«جازاسىن وتەۋشى ب. ابدىشەۆ باسىندا شارتى-مەرزىمىنەن بۇرىن بوساتۋ تۋرالى قولداۋحاتپەن جۇگىندى دە، كەيىننەن ونى ءوزى كەرى قايتارىپ الدى. ونىڭ سەبەبى بىزگە بەلگىسىز»، - دەدى وبلىستىق سوت باسپا ءسوز قىزمەتىنەن.
ب. ابدىشەۆ قاراعاندى وبلىسى بويىنشا ق ا ج د ا ك-159/1 مەكەمەسىندە جازاسىن وتەۋدە. ش م ب تۋرالى قولداۋحات بەرۋىنە بەلگىلەنگەن مەرزىمنىڭ جارتىسىنان استامىن وتەۋى نەگىز بولعان.
قاراعاندى قالاسى قازىبەك ءبي اۋداندىق سوتىنىڭ 2016 -جىلعى 14 -ساۋىردەگى قاۋلىسىمەن ب. ابدىشەۆكە قاتىستى ماتەريالدار وندىرىسكە قابىلداندى. 22 -ساۋىردە جازاسىن وتەۋشى، ونىڭ ادۆوكاتتارى، مەملەكەتتىك ايىپتاۋشى، جابىرلەنۋشى، سونداي-اق تۇزەۋ مەكەمەسىنىڭ وكىلىنىڭ قاتىسۋىمەن باس سوت تالقىلاۋى تاعايىندالدى.
سونىمەن قاتار، اۋداندىق سوتتىڭ اقپاراتىنا سايكەس، 19 -ساۋىردە سوتتالۋشى ب. ابدىشەۆتىڭ اتىنان شارتتى- مەرزىمىنەن بۇرىن بوساتۋ تۋرالى ونىڭ قولداۋحاتىن كەرى قايتارۋ جانە قاراۋسىز قالدىرۋ تۋرالى ءوتىنىش تۇسكەن.
«1968 -جىلى 3 -ماۋسىمدا تۋعان جازاسىن وتەۋشى ابدىشەۆ باۋىرجان تۇيتەي ۇلىنىڭ باس بوستاندىعىنان ايىرۋ تۇرىندەگى جازانى وتكەرۋدەن شارتتى- مەرزىمىنەن بۇرىن بوساتۋ تۋرالى قولداۋحاتى قاراۋسىز قالدىرىلسىن. سوتتالۋشى ب. ت. ابدىشەۆتىڭ №1145 جەكە ءىسى وبلىستىڭ ق ا ج د ا ك-159/1 مەكەمەسىنە قايتارىلسىن. قابىلدانعان شەشىم تۋرالى مۇددەلى تۇلعالار حاباردار ەتىلسىن»، - دەلىنگەن قازىبەك ءبي اۋداندىق سوتىنىڭ سۋدياسى ج. شوجەنوۆ شىعارعان 2016 -جىلعى 20 -ساۋىردەگى قاۋلىدا.
بۇدان بۇرىن حابارلانعانداي، قازىبەك ءبي اۋداندىق سوتى «احمەتوۆ ءىسى» بويىنشا سوتتالعان قاراعاندىنىڭ بۇرىنعى اكىمى مەيرام سماعۇلوۆتىڭ شمب تۋرالى قولداۋحاتىن قاناعاتتاندىرعان. سوت قاۋلىسى ازىرگە زاڭدى كۇشىنە ەنگەن جوق.
قاراعاندى وبلىستىق سوتىنىڭ اپەللياتسيالىق القاسى 2016 -جىلعى 14 -ناۋرىزداعى قاۋلىسىمەن ءبىرىنشى ساتىداعى سوت ۇكىمىن وزگەرتتى. ب. ابدىشەۆتىڭ باس بوستاندىعىنان ايىرۋ مەرزىمى 3 جىلعا دەيىن ازايتىلعان بولاتىن.
