عالىمدار مايدىڭ زيانى تۋرالى ماعلۇماتتى تەرىسكە شىعاردى

استانا. قازاقپارات - وسىمدىك مايلارى قانداعى حولەستەريننىڭ تومەندەۋىنە اسەر ەتەدى، الايدا جۇرەك، قان تامىرلارى اۋرۋلارىنا ەشقانداي اسەرى بولمايدى.

بۇل جايلى امەريكالىق ديەتولوگتار مالىمدەدى.

دارىگەرلەر وسىمدىك مايلارىن، ونىڭ ىشىندە جۇگەرى، سويا، زىعىر كۇنباعىس مايلارى ارقىلى ساراپتاما جۇرگىزگەن.

ساراپتاما 1968-1973 -جىلدارى مينەسسوت شتاتىندا جۇرگىزىلگەن. ساراپتاما بويىنشا جانۋاردىڭ مايىن وسىمدىك مايىنا اۋىستىرعاندا ادامنىڭ قان قۇرامىنداعى حولەستەرينى تومەندەپ، جۇرەك اۋرۋلارىنا ۇشىراپ، ءتىپتى اجال قۇشاتىنى قانشالىقتى شىندىققا جاناساتىنى زەرتتەلگەن. زەرتتەۋگە 20-97 جاس ارالىعىنداعى قارتتار ءۇيى مەن پسيحياتريالىق اۋرۋحاناداعى 9423 ادام قاتىستى.

ديەتولوگتار جانۋار مايىننان وسىمدىك مايىنا اۋىسقان ادامداردىڭ قان قۇرامىنداعى حولەستەريننىڭ تومەندەگەنىن انىقتادى، الايدا، قىشقىلعا باي وسىمدىك مايلارىنىڭ جۇرەك جانە وزگە دە اۋرۋلارىن تۋدىراتىنى انىقتالعان جوق.

عالىمدار زەرتتەۋ ناتيجەسى بويىنشا ءبىر مايدى قولدانىپ جۇرگەن ادامداردىڭ وزگە مايعا اۋىسۋىنا كەڭەس بەرمەيدى. ءبىراق، تولىق انىقتالماعان ديەتولوگتاردىڭ مالىمەتىنە ساقتىقپەن قاراۋدى ەسكەرتەدى.

2009 -جىلى امەريكا اسسوتسياتسياسى تومەن جانە جوعارى كالوريالى، ومەگا-6 مايلى ەمەس قىشقىلىنىڭ جۇرەك قان تامىرلارى اۋرۋلارىنا پايدالى ەكەنىن مالىمدەگەن بولاتىن.