سىرتقى ىستەر ءمينيسترىنىڭ ورىنباسارى ەۋرازيالىق مەديافورۋمعا قازاقتىڭ شاپانىن كيىپ كەلدى - فوتو

استانا. قازاقپارات - استانادا ەۋرازيالىق مەديافورۋم وتۋدە. قازاقستان سىرتقى ىستەر ءمينيسترىنىڭ ورىنباسارى رومان ۆاسيلەنكو اتالعان ءىس-شاراعا شاپانمەن كەلىپ، جينالعانداردى تاڭ قالدىردى دەپ حابارلايدى NUR. KZ.

وسى جولعى وتىرىستىڭ تاقىرىبى - «مۇنايلى ەلدەردىڭ جاڭا ءيميدجى».

مودەراتور ءارى قىتايداعى CCTV- News ارناسىنىڭ جۇرگىزۋشىسى لەي چەنگ ۆاسيلەنكودان بورات تۋرالى سۇرادى:

«رومان، ءسىز ا ق ش- تا بولدىڭىز، «بورات» شىعىپ، ب ا ق نازارىن وزىنە اۋدارعاندا، سىزدەر بۇل جاڭا ستەرەوتيپتى قالاي قابىلدادىڭىزدار؟»

 «10 جىل بۇرىن بۇل جاعدايدىڭ شەشىمىن تابۋعا تىرىستىق، تانىمال بريتاندىق اكتەر جاساعان بۇرىس كوزقاراستى پايدالانا وتىرىپ، ناعىز قازاقستاننىڭ قانداي ەكەنىن كورسەتۋگە تىرىستىق. ول بەرگەن ليموننان ليموناد جاساپ شىعارماق بولدىق (...) قازاقستان بۇل ورايدا ءوزىن جاڭا تاۋەلسىز مەملەكەت رەتىندە كورسەتۋى ءتيىس. سول سەبەپتى، ءبىزدى شەتەلدىكتەر قالاي قابىلدايتىنىنا زور ءمان بەرەمىز»، - دەيدى سىرتقى ىستەر ءمينيسترىنىڭ ورىنباسارى.

دەرەككوز: Nur.kz