لاڭكەستەرگە الەمدىك ب ا ق ەرىكسىز قولداۋ جاساپ وتىر - ن. ەرمەكبايەۆ
بۇل تۋرالى بۇگىن استانادا ءوتىپ جاتقان ەۋرازيالىق مەديافورۋمدا ق ر قاۋىپسىزدىك كەڭەسىنىڭ حاتشىسى نۇرلان ەرمەكبايەۆ ءمالىم ەتتى.
«بۇگىندە ب ا ق ازداپ رەتتەلمەگەن قۇقىقتىق الاڭدا جۇمىس ىستەۋدە. حالىقارالىق قاۋىمداستىق لاڭكەستىك پەن ءدىني ەكسترەميزمگە ءالى كۇنگە دەيىن ورتاق انىقتاما بەرە الماي كەلەدى. وسىدان بارىپ بۇل ماسەلەگە بايلانىستى كوپتەگەن ساۋالدار شىعادى، ماسەلەن، ءبىز كوپ جىلداردان بەرى لاڭكەستىك ۇيىمداردىڭ ءبىرىڭعاي ءتىزىمىن جاساي الماي كەلەمىز»، - دەپ اتاپ ءوتتى ول.
- سوندىقتان جۋرناليستەر لاڭكەستىك ۇيىمدار مەن اكتىلەر تۋرالى جازاردا كوپتەگەن قيىندىقتارعا تاپ بولىپ جاتادى، سەبەبى ولار قاي ەلدە كىمدى لاڭكەستىك ۇيىم، كىمدى ءدىني ەكسترەميست دەپ اتايتىندىعىن بىلمەيدى. ءبىز مۇندا پسيحولوگيالىق اسپەكتىنىڭ جەتىسپەۋشىلىگىن بايقايمىز، باق تاراپىنان تالداۋدىڭ ازدىعىن كورەمىز».
ن. ەرمەكبايەۆ وسىعان بايلانىستى ءبىر زەرتتەۋدىڭ ناتيجەلەرىن جاريا ەتتى. وندا لاڭكەستەردىڭ باستى ماقساتى ءوزىن- ءوزى جاريا ەتۋ، مەملەكەتتىك بيلىكتىڭ جانە حالىقتىڭ اراسىندا ۇرەي تۋعىزۋ ەكەنى انىقتالعان.
«تەلەارنالاردان تەراكت جاساعان ادام تۋرالى، ونىڭ ءومىرى مەن وسى ارەكەتكە قالاي بارعاندىعىن جارىسا كورسەتكەن كەزدە، بۇل تەك لاڭكەستەردىڭ پايداسىنا جۇمىس ىستەيدى جانە جاستاردىڭ وسى ارەكەتكە كوپتەپ بارۋىنا يتەرمەلەيدى. سونىمەن قاتار كەيبىر رەپورتاجداردا ءبىز قۇقىق قورعاۋ ورگاندارىنىڭ جۇمىس ادىستەمەلەرى مەن تاسىلدەرى تۋرالى ەگجەي- تەگجەيلى كورسەتىلەدى. ءبىر جاعىنان ءبىز لاڭكەستەرگە وقۋ قۇرالىن بەرىپ جاتساق، ەكىنشى جاعىنان - ءوز تاكتيكالارىمىزدى اشىپ كورسەتەمىز. وسىنىڭ بارلىعى لاڭكەستىكپەن كۇرەس ىسىنە كەرى اسەرىن بەرەدى»، - دەپ اتاپ ءوتتى ن. ەرمەكبايەۆ.
ونىڭ ويىنشا، ب ا ق- تىڭ بارلىق الەۋەتىن لاڭكەستەردىڭ پسيحولوگياسىن كورسەتۋگە قولدانۋ كەرەك.
«ەگەر لاڭكەستىك باندىلاردىڭ ىشىندە نە بولىپ جاتقاندىعىن ەگجەي-تەگجەيلى كورسەتەتىن بولساق، جاستار اراسىندا يلليۋزيالار از بولار ەدى»، - دەدى ول.
اۆتور: جاسۇلان جولدىبايەۆ
