الماتىدا تروللەيبۋستىڭ استىنا ءتۇسىپ قالعان قاريانىڭ جاعدايى وتە اۋىر - دارىگەرلەر

الماتى. قازاقپارات - الماتى دارىگەرلەرى تروللەيبۋستىڭ استىنا ءتۇسىپ قالعان قاريانىڭ جاعدايى تۋرالى ايتىپ بەردى.

قالالىق دەنساۋلىق ساقتاۋ باسقارماسى باسپا ءسوز قىزمەتىنىڭ حابارلاۋىنشا، ول قازىر №12 -ورتالىق كلينيكالىق اۋرۋحانانىڭ جانساقتاۋ بولىمىندە جاتىر.

ماماندار قاريانىڭ جاعدايىن وتە اۋىر دەپ باعالاپ وتىر. ول تىزەسىنەن اۋىر جارالانىپ، وتە كوپ قان جوعالتقان.

قايعىلى وقيعا بۇگىن بولدى. جولاۋشىلاردى ايالداماعا تۇسىرگەن №12 -مارشرۋت تروللەيبۋسى ورنىنان قوزعالا بەرگەندە قاريا سەكىرىپ كەتكەن.

«تروللەيبۋس جۇرگىزۋشىسى قازىر كۋالىك ەتۋگە قالالىق پوليتسەي ۋچاسكەسىنە جەتكىزىلدى. ەگەر اپات جۇرگىزۋشىنىڭ كەسىرىنەن بولعانى انىقتالسا، قىلمىستىق جاۋاپكەرشىلىككە تارتىلىپ، جاپا شەگۋشىگە كەلتىرىلگەن زالالدىڭ بارلىعىن وتەۋگە ماجبۇرلەنەدى. ولاي بولماعان جاعدايدا ساقتاندىرۋ كومپانيالارى ارقىلى وتەلەدى»، - دەدى «Green Bus» ج ش س باس ديرەكتورى باۋىرجان ق ۇلىشيەۆ.

ونىڭ ايتۋىنشا، تروللەيبۋس جۇرگىزۋشىسى تەمىر كولىكتى 5 جىلدان بەرى مۇلتىكسىز جۇرگىزىپ كەلەدى ەكەن. جۇرگىزۋشى وسى ۋاقىتقا دەيىن ءبىر ەسكەرتۋ الىپ كورگەن ەمەس.

اۆتور: گۇلميرا عوسمانالي