پرەزيدەنت وركەسترى تاۋەلسىزدىككە تارتۋ جاسايدى
بۇل جولى قايتالانباس رەپەرتۋارىمەن تاڭ قالدارىپ كەلگەن ق ر م ك ق شىعارماشىلىق ۇجىمى وسى جولى دا ءوز تىڭدارماندارىن پرەزيدەنتتىك وركەستر مۋزىكانتتارىنىڭ اۆتورلىعىنداعى جاڭا تۋىندىلارىمەن قۋانتپاق.
كونسەرتتە تۇساۋى كەسىلەتىن تۋىندىلاردىڭ ءبىرى «اقبەرەن» كۇيى . كومپوزيتسيا اۆتورى ق ر م ك ق پرەزيدەنتتىك وركەسترى حالىقتىق مۋزىكا انسامبلىنىڭ دومبىراشىسى، كومپوزيتور باقىتجان دۇيسەنعازيەۆ. «ۇلى دالا» كومپوزيتسيانىڭ اۆتورى - پرەزيدەنتتىك وركەستر حالىقتىق مۋزىكا ءانسامبلىنىڭ جەتەكشى سوليسى، دومبىراشى جاندوس مۇحتاروۆ.
بۇل كۇي 2015 -جىلى قازاقستاندىق اتاۋلاردا «ۇلى دالا ەلى» دەگەن تىركەستى قولدانۋ تۋرالى مەملەكەت باسشىسىنىڭ يدەياسىن قولداۋ ءبىلدىرۋ رەتىندە تۋىنداعان. «ۇلى دالا» اتاۋى مەن سارىنى قازاق دالاسىنىڭ شەكسىزدىگىن، ءبىزدىڭ اتامەكەننىڭ وتكەنى مەن بۇگىنگىسىن، بولاشاعىن كورسەتەدى. وسى كۇيدىڭ سۇيەمەلدەۋىمەن پرەزيدەنتتىك وركەستردىڭ ءبي ءانسامبلى العاشقى رەت تالانتبەك شورۋكوۆ پەن ءمادينا الييەۆا- شورۋكوۆا جاڭا قويىلىمىن ورىندايدى دەپ كۇتىلۋدە.
كونتسەرتتى پرەزيدەنتتىك وركەستر ءان جانە ەسترادا انسامبلىنىڭ باستىعى، «قازاقستاننىڭ ەڭبەك سىڭىرگەن قايراتكەرى» جانات شىبىقبايەۆ اشاتىن بولادى. ول ۇرمەلى اسپاپتار وركەسترىنىڭ سۇيەمەلدەۋىمەن ا. ەسمۇحاننىڭ تانىمال شىعارماسى «وتانىم» ءانىن ورىنداماق.
قۇراما وركەستردىڭ سۇيەمەلدەۋىمەن پرەزيدەنتتىك وركەستردىڭ سوليستەرى، قازاقستاننىڭ ەڭبەك سىڭىرگەن قايراتكەرلەرى ارداق بالاجانوۆانىڭ، دوسىمجان تاڭاتاروۆتىڭ، حالىقارالىق جانە رەسپۋبليكالىق كونكۋرستاردىڭ لاۋرەاتتارى نۇربولات قۇسايىنوۆتىڭ، قايبار اللاجاردىڭ، اسەل مادەكەشوۆانىڭ، بيبىگۇل ساۋىتوۆانىڭ، ايمان ۋدانوۆانىڭ، الىبەك ءىزباساروۆتىڭ، گۇلسانىم جۇماعاليەۆانىڭ جانە باسقالاردىڭ ورىنداۋىندا وتاندىق جانە شەتەلدىك كومپوزيتورلاردىڭ شىعارمالارى شىرقالادى.
بارلىق ءىس-شارالاردا پرەزيدەنتتىك وركەستر جوعارى كاسىبي شەبەرلىكتى، مۋزىكالىق اسپاپتاردىڭ بارلىق ءتۇرىن شەبەر مەڭگەرگەندىكتى كورسەتتى. وركەستردىڭ مۋزىكانتتارى جوعارى رۋحانيلىعىمەن، ءوز ونەرى مەن حالقىنا قىزمەت ەتۋ ىنتاسىمەن ەرەكشەلەنەلەتىن بولادى.
قازاقستان رەسپۋبليكاسى مەملەكەتتىك كۇزەت قىزمەتى - قازاقستان رەسپۋبليكاسىنىڭ ۇلتتىق قاۋىپسىزدىگىن قامتاماسىز ەتەتىن كۇشتەرگە جاتاتىن، كۇزەتىلەتىن ادامدار مەن وبەكتىلەردىڭ قاۋىپسىزدىگىن قامتاماسىز ەتۋ جونىندەگى كۇزەت ءىس- شارالارىن جۇزەگە اسىراتىن، قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن ارناۋلى مەملەكەتتىك ورگان. قىزمەت 2014 -جىلعى 21 -ساۋىردە قۇرىلعان.
