ءار ەلدىڭ تۇرمەلەرىندەگى جازاسىن وتەۋشىلەردىڭ شىنايى ءومىرى - فوتو
بۇل تۋرالى bigpicture.ru حابارلايدى.
فرانسيا. Centre Penitentiaire de Lille-Annoeullin. بۇل تۇرمە اۋلاسىنىڭ بۇرىشىندا «تەڭىز جەلى» باندالارىنىڭ مۇشەسى ج. م. جاتادى. ونى 2007 - جىلى ادام ولتىرگەنى ءۇشىن 15 جىلعا باس بوستاندىعىنان ايىرعان. ول 14 جىل تۇرمەدە جازاسىن وتەپ كەلگەن.
كولۋمبياداعى سان- ديەگو ايەلدەر تۇرمەسى. روسا (سول جاقتاعى) 10 جىلعا قامالعان. ەلياناعا (وڭ جاقتاعى) قاتىستى تەرگەۋ جۇمىستارى جۇرگىزىلىپ جاتىر. ول تۇرمەدە 7 ايدان بەرى جاتىر.
فوتوگراف فرانسياداعى ەكى تۇرمەگە كىرۋگە رۇقسات الۋ ءۇشىن ەكى جىل كۇتكەن. كولۋمبيا مەن ا ق ش تۇرمەسىنە دە كىرۋ وڭايعا سوقپاعان. ال، ۋگاندادا وزگە ەلدەرگە قاراعاندا تۇرمە باسشىلىعىمەن كەلىسۋ تەز ءارى وڭاي بولعان.
ا ق ش. يتونتونە قالاسىنداعى 1991 -جىلى سالىنعان تۇرمە.
فوتوگراف ۋگاندا تۇرمەسىندەگى كورگەن قىزىقتارىن ەرەكشە ەسكە الادى. «بارلىق 10 ەلدىڭ تۇرمەسىندە مەنى باقىلاۋشىلار قاراپ، سۋرەتكە ءتۇسىرىپ جاتقان كەزىمدە جانىمدا ءجۇردى. ال، ۋاگاندادا مەنى ەشكىم باقىلاۋعا المادى. ولار مەنەن ەشقانداي قاۋىپ كۇتكەن جوق. ءتىپتى، ولار جازاسىن وتەۋشىلەرمەن ازىلدەسىپ، ارقالارىن قاعىپ قويىپ، جاقىن سويلەسە بەرەدى ەكەن»، - دەيدى فوتوگراف.
كولۋمبيا. اكاسياستاعى اگرارلى تۇرمە. اباقتى 1906 -جىلى سالىنعان. مۇندا 364 ادام قىزمەت ەتەدى. تۇرمەدە 1250 ەر ادام جازاسىن وتەۋدە. ولاردىڭ كوبى ەسىرتكى ساۋداسىمەن اينالىسقان، ادام ولتىرگەن، قىز زورلاعان دەگەن ۇكىممەن 5 -جىلدان از ۋاقىتقا سوتتالعاندار.
ا ق ش. مەملەكەتتىك سميت تۇرمەسى. تۇرمە گلەنۆيلل مەن دجوردجيا قالالارىنىڭ ماڭىندا 1354 -جىلدان بەرى جۇمىس ىستەپ كەلەدى. مۇنداعى كەيبىر جازاسىن وتەۋشىلەر Georgia Correctional Industries كومپانياسىنا تەگىن قىزمەت ەتەدى.
«توردان ۇستاپ تۇرعان قولدىڭ بەينەسى سىندى ابدەن جاۋىر بولعان سۋرەتتەر ەشكىمگە قىزىق ەمەس بولىپ بارادى. ول ادامعا ەشقانداي وي سالمايدى. ال، تۇرمە ىشىندەگى شىنايى سۋرەتتەر ادامعا سوتتالۋشىلار تۋرالى، تۇرمە تۋرالى حابار بەرىپ تۇرادى. مەن سونداي بىرتەكتى سۋرەتتەردى تۇسىرە بەرگىم كەلمەيدى. تۇرمە - وتە جامان ورىن، الايدا، بۇل ءسوز ونداعى شىنايى ءومىردى تولىقتاي سۋرەتتەپ بەرە المايدى»، - دەيدى فوتوگراف يان باننينگ.
Stan.kz
