قازاقستان ۇزاق جىلدار بويى الەمدىك پروتسەستەردەن تىس ءومىر سۇرەتىندەي ويلادى - ە. قارين
«جالپى، الەمدەگى شيەلەنىستەرگە بايلانىستى، مەملەكەتتەردىڭ ءتۇرلى بەلسەندى توپتارى اراسىندا ديالوگ، قارىم-قاتىناس بارىنشا كوپ بولۋى كەرەك. مىنە، ەۋرازيا مەديا فورۋمىنىڭ ءبىر ارتىقشىلىعى وسى»، - دەيدى ە. قارين.
«ءبىزدىڭ ءبىر كەمشىلىگىمىز - ۇزاق جىلدار بويى الەمدىك پروتسەستەردىڭ شەتىندە ءومىر سۇرەتىندەي ويلاپ كەلدىك. ياعني، الەمدە بولىپ جاتقان پروتسەستەردىڭ بىزگە ەش قاتىسى جوق دەپ ويلادىق. ءبىراق، قازىر كورىپ وتىرعانىمىزداي، اۋعانستاندا، تاياۋ شىعىستا، وڭتۇستىك افريكادا بولىپ جاتقان جاعدايلاردىڭ كەرى اسەرى قالاي بولعاندا دا باسقا ەلدەرگە، سونىڭ ىشىندە، ورتالىق ازيا ايماعىنا دا ءتيۋى مۇمكىن. الىپ مەملەكەتتەر اراسىنداعى تەكە تىرەستىڭ سالقىنى بىزگە دە تيە بەرەدى. سوندىقتان، بىزدەر دە ساياسي ديالوگتىڭ دامۋىنا ۇلەسىمىزدى قوسا بەرۋىمىز كەرەك»، - دەدى ەۋرازيا مەديا فورۋمىنىڭ جۇمىسىنا باعا بەرە كەلە ە. قارين.
