و پ ە ك- ءتىڭ تاراپىنان ستراتەگيالىق قادامدار جاسالعاندا، مۇناي باعاسى كوتەرىلۋى مۇمكىن ەدى - د. سترو

استانا. قازاقپارات - و پ ە ك- ءتىڭ تاراپىنان ستراتەگيالىق قادامدار جاسالعاندا، مۇناي باعاسى كوتەرىلىپ، جالپى قاتەرلەردىڭ تومەندۋى مۇمكىن ەدى.

 بۇل تۋرالى بۇگىن استانادا ءوتىپ جاتقان ەۋرازيالىق مەديافورۋمدا ۇلى بريتانيانىڭ بۇرىنعى سىرتقى ىستەر ءمينيسترى دجەك سترو ءمالىم ەتتى.

«و پ ە ك- ءتىڭ تاراپىنان ستراتەگيالىق قادامدار جاسالعاندا، مۇناي باعاسى كوتەرىلىپ، الەمدىك ەكونوميكا تۇراقتالار ەدى. جالپى قاتەرلەردىڭ دەڭگەيى دە از بولۋى ىقتيمال ەدى. الەمدىك ەكونوميكادا ءوسىم بارىسى جالعاسا بەرەر مە ەدى، بۇل ءوز كەزەگىندە شيكى رەسۋرستاردىڭ باعالارىنا دا وڭ اسەرىن بەرەر ەدى»، - دەدى د. سترو.

 تالقىلاۋ بارىسىندا د. سترو  ۇلى بريتانيا ءوز تاريحىندا العاش رەت شوتلانديانىڭ مۇناي ءوندىرۋ سالاسىن سۋبسيديالاۋعا ءماجبۇر ەكەندىگىن اتاپ ءوتتى. سونىمەن قاتار بولات قورىتۋ ونەركاسىبى دە قولداۋعا وتە مۇقتاج. قىتايدا ماسەلەن، وسى سالادا قىزمەت اتقارىپ جاتقان 1,5 ميلليون ادام جۇمىستان ايىرىلۋى ىقتيمال. سوندىقتان ءاربىر مەملەكەت مۇناي سالاسىنداعى تەپە- تەڭدىككە قول جەتكىزۋگە ءتيىستى. سەبەبى مۇناي باعاسى الەمدىك ەكونوميكانىڭ وزگە دە سالالارىنا اسەر ەتۋدە.

 اۆتور: جاسۇلان جولدىبايەۆ