ءىرى دەرجاۆالار اراسىنداعى سەنىمسىزدىكتىڭ زاردابىن ءبىز تارتىپ وتىرمىز - ح. كارزاي

 استانا. قازاقپارات - الەمدەگى ءىرى دەرجاۆالار اراسىندا سەنىمنىڭ جوقتىعىنان دۇنيەءجۇزى زارداپ شەگىپ وتىر. بۇگىن استانادا ءوتىپ جاتقان ⅩⅢ مەديا- فورۋم بارىسىندا «الەمدىك ەكونوميكانىڭ بۇگىنى مەن ەرتەڭى. كوش باسىندا كىم؟ عالامدىق داعدارىس. مۇنايسىز الەم سوعىسسىز دۇنيە مە؟» اتتى ماجىلىسكە قاتىسا وتىرىپ،

اۋعانستاننىڭ ەكس- پرەزيدەنتى حاميد كارزاي وسىنداي ويىن ءمالىم ەتتى.

 «قازىر ءبارىمىزدى الاڭداتىپ وتىرعان ماسەلە - ەكسترەميزم مەن تەرروريزم. جانە تەرروريزم تاياۋ شىعىس ەلدەرىنە عانا ەمەس، وڭتۇستىك ازياعا عانا ەمەس، پاريجگە، بريۋسسەلگە، الەمنىڭ تۇپكىر- تۇپكىرىنە تاراعان قاۋىپكە اينالدى. كەلەسى ءبىر ماسەلە - ءوسىپ جاتقان ەكونوميكالاردىڭ (دامىعان ەلدەردىڭ - اگەنتتىك) كۇشى. بۇدان بولەك، اۋىر قايعى بار. قانشاما جاس ادام اياق استى قازاعا ۇشىراپ جاتىر، بىرەۋىنىڭ بالا- شاعاسى قالدى، بىرەۋى قىرشىننان قيىلدى. بۇل قاتىگەزدىككە قالاي شىداپ قاراۋعا بولادى؟» - دەي كەلە ح. كارزاي الەمدەگى ءىرى دەرجاۆالار اراسىندا، دامىعان ەكونوميكالار اراسىندا اشىق كەلىسسوز، بەرىك سەنىم بولۋ كەرەك دەگەن پىكىرىن جەتكىزدى.

 «ءبارىمىز الەم بويىنشا تىنىشتىق پەن ەكونوميكالىق وركەندەۋ ورنايدى دەپ ۇمىتتەنەمىز. جانە ءبارىمىزدىڭ كۇش- جىگەرىمىز وسى ماقساتقا جۇمىلۋى كەرەك. ءبىراق، بۇعان قالاي قول جەتكىزۋگە بولادى؟ مەنىڭ اۋعانستاندى باسقارعان قىرىق جىلعى تاجىريبەمە سۇيەنىپ ايتار بولسام، ءىرى دەرجاۆالار اراسىنداعى سەنىمسىزدىكتىڭ زاردابىن ءبىز تارتىپ وتىرمىز. سوندىقتان، اۋعانستاندى باسقارعان جىلدارى مەنىڭ ايتقان اقىلىم: ءاربىر ەل ءوزىنىڭ ۇستانىمىن كەلەسى ەلگە وتە اشىق، تۇسىنىكتى جەتكىزۋ كەرەك»، - دەدى ح. كارزاي.

اۆتور: كەنجەكەي توقتامۇرات قىزى