ن. نازاربايەۆتىڭ بىتىمگەرشىلىك جولىنداعى كۇش- جىگەرىنە كومەكتەسۋىمىز كەرەك - ح. كارزاي
«اۋعانستاننىڭ دامۋىنا مادەني- تاريحي تۇرعىدا كوپ كومەكتەسكەن قازاقستان ەلىنە قايتا كەلىپ وتىرعانىم مەنى زور قۋانىشقا بولەپ تۇر. پرەزيدەنت نۇرسۇلتان نازاربايەۆ اۋعانستاننىڭ جاقسى دوسى، اۋعانستاندى قالپىنا كەلتىرۋ جولىندا ءبىزدىڭ جاقسى ارىپتەسىمىز بولدى. مەديا- فورۋمنىڭ جۇمىسى تۋرالى ايتپاستان بۇرىن، اۋعانستان ستۋدەنتتەرىنىڭ قازاقستاندا ءبىلىم الۋى ءۇشىن 1000 شاكىرتاقى تاعايىنداعان قازاقستان پرەزيدەنتى مەن قازاق حالقىنا العىس ايتقىم كەلەدى»، - دەدى مەديا فورۋمنىڭ نەگىزگى سەسسياسىندا ءسوز العان اۋعانستاننىڭ ەكس- پرەزيدەنتى ح. كارزاي.
بۇل رەتتە ح. كارزاي مىڭنان اسا ستيپەنديانىڭ 200-گە جۋىعى مەديتسينا سالاسىندا ەكەنىن اتاپ ءوتتى. ۇزاق جىلدار بويى الەۋمەتتىك توقىراۋعا ۇشىراپ، جاستارىنا ءبىلىم بەرە الماعان اۋعانستان ءۇشىن بۇل زور كومەك ەكەنىن اتاپ ءوتتى.
«قازاقستان پرەزيدەنتى سونداي- اق اۋعانستاندى تۇراقتاندىرىپ، بەيبىتشىلىككە باستاۋ ءۇشىن دە كوپ ەڭبەك ءسىڭىردى. ن. نازاربايەۆتىڭ جۋىرداعى «الەم. 21- عاسىر» مانيفەسىنىڭ ماڭىزى قانداي بولسا، ءبىزدىڭ ەلدىڭ تۇراقتانۋىنا قوسقان ۇلەسى دە سونداي زور. سوندىقتان، ن. نازاربايەۆتىڭ وسى باعىتتاعى جۇمىستارىنا تابىس تىلەگىم كەلەدى. ن. نازاربايەۆتىڭ بىتىمگەرشىلىك جولىنداعى كۇش- جىگەرىن قولداپ، ونىڭ قاجىرلى ەڭبەگىنە ۇلەس قوسۋىمىز، كومەكتەسۋىمىز قاجەت»، - دەدى ح. كارزاي.
اۆتور: كەنجەكەي توقتامۇرات قىزى
