ە ا م ف الاڭىندا الەمدىك پروبلەمالاردى تالقىلاپ، تەڭگەرىمدى شەشىمدەر ىزدەستىرۋ بەيبىتشىلىك جولىنداعى جالپى الەمدىك قوزعالىسقا باعا جەتپەس ۇلەس - ن. نازاربايەۆ
«ەۋرازيالىق مەديا فورۋم قاتىسۋشىلارىن قازاقستان جەرى ءاردايىم قۇشاق جايا قارسى الادى. فورۋم الەمنىڭ جەتەكشى ديالوگ الاڭدارىنىڭ بىرىنە اينالدى. وندا قازىرگى زاماننىڭ ەڭ وزەكتى ماسەلەلەرى تالقىلانادى. دامۋدىڭ جاڭا پاراديگمالارى قالىپتاسىپ، بولاشاقتىڭ سۇلباسى جاسالادى. بۇگىنگى تاڭدا الەم بارشا ادامزاتقا تەڭدەسسىز سىن- قاتەرلەر توندىرگەن جاڭا داۋىرگە اياق باسادى. جاڭا الەمنىڭ، ءبارىمىزدىڭ ورتاق بولاشاعىمىزدىڭ قانداي بولاتىنى ءبىزدىڭ ءارقايسىمىزعا بايلانىستى.
مەن «الەم. 21 - عاسىر» اتتى مانيفەستى ۇسىندىم. ونىڭ ماقساتى - جەر بەتىندە سوعىس اتاۋلىنى ءتۇپ- تامىرىمەن جويۋ. بۇل عاسىر ورتاق ەرىك- جىگەر ارقىلى پاراسات پەن جاسامپازدىق سىندارلى ديالوگ سالتانات قۇراتىن ءداۋىر بولۋى ءتيىس. سول سەبەپتى، ەۋرازيالىق مەديا فورۋمنىڭ الاڭىندا قوردالانعان الەمدىك پروبلەمالاردى اشىق تالقىلاپ، تەڭگەرىمدى شەشىمدەر ىزدەستىرۋ بەيبىتشىلىك جولىنداعى جالپى الەمدىك قوزعالىسقا قوسىلار باعا جەتپەس ۇلەس. فورۋم جۇمىسىنىڭ ناتيجەسى، سىزدەردىڭ جاڭا يدەيالارىڭىز بەن باستامالارىڭىز دۇنيەجۇزىلىك كوممۋنيكاتسيانىڭ جاھاندىق ديالوگتى دامىتۋعا زور سەرپىن بەرەرىنە سەنىمدىمىن. فورۋمنىڭ بارشا قاتىسۋشىلارىنا جەمىستى جۇمىس پەن بار جاقسىلىقتاردى تىلەيمىن»، - دەلىنگەن ق ر پرەزيدەنتىنىڭ قۇتتىقتاۋىندا.
