الماتىدا «تاڭجارىق وقۋلارى» ءوتتى - فوتو
قازاق مەملەكەتتىك قىزدار پەداگوگيكالىق ۋنيۆەرسيتەتىندە وتكەن ءداستۇرلى شاراعا «حالىقارالىق تاڭجارىق زەرتتەۋ قوعامدىق قورىنىڭ» ءتوراعاسى، جازۋشى تۇرسىنالى رىسكەلديەۆ،
فيلولوگيا عىلىمدارىنىڭ دوكتورى، پروفەسسور، اباي اتىنداعى قاز ۇ پ ۋ- دىڭ «قازاق ادەبيەتى» كافەدراسىنىڭ مەڭگەرۋشىسى تەمىرحان تەبەگەنوۆ، زەرتتەۋشى، تاڭجارىق تانۋشى تىلەۋجان ساقالوۆتىڭ جارى بوپەن جەكسەبايەۆا، تاڭجارىقتىڭ نەمەرەسى سايرا نۇرجىگىت قىزى ارنايى قاتىسىپ، ىزگى تىلەكتەرىن ءبىلدىردى.
«تاڭجارىق وقۋلارىنا» 4 جوعارى وقۋ ورنىنان 16 ستۋدەنت قاتىستى.
ۇلت قايراتكەرىنىڭ تاعدىر جولى مەن وشپەس مۇراسىن ناسيحاتتاۋ ماقساتىندا وتكىزىلگەن «تاڭجارىق وقۋلارىنىڭ» جەڭىمپازى رەتىندە قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ 2 كۋرس ستۋدەنتى ايجان مەلدەبەك تانىلدى. 1-ورىن اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ 2-كۋرس ستۋدەنتى سالتانات اناپيايەۆاعا، 2-ورىن - اقگۇل ايداربەكوۆاعا، 3-ورىن قاماجاي ەركەبايەۆاعا بۇيىردى. سونىمەن قاتار، تاڭجارىقتانۋشى تىلەۋحان ساقالوۆ جانە اقىندار اقىت ءۇلىمجى ۇلى، اسىلحان مىڭجاسار ۇلى اتىنداعى ارنايى جۇلدەلەر تابىس ەتىلدى. ال، قالعان ستۋدەنتتەر سەرتيفيكاتتارمەن ماراپاتتالدى.
اۆتور: گۇلميرا عوسمانالي
https://kazmkpu.kz/kz
