اۆستراليادا الەمدەگى ەڭ كارى ءيت ءولدى

استانا. قازاقپارات - اۆستراليادا مەگگي اتتى الەمدەگى ەڭ كارى ءيت ءولدى. ول ۆيكتوريا شتاتىنىڭ فەرمەرى برايان مالارەنگە تيەسىلى بولعان.

«ءيتتىڭ جاسى 30-دا. وتكەن اپتادا كوشەدە قىدىرىپ، مىسىقتارعا ىرىلداپ، ءسۇت فەرماسىنان كەڭسەگە بارىپ جۇرگەن»، - دەدى يەسى.

ونىڭ ايتۋىنشا، مەگگي ولگەنگە دەيىن بىرنەشە اپتا ىشىندە مىسىقتان ءسۇت ونىمدەرىن كۇزەتكەن. الايدا سوڭعى ەكى كۇندە السىرەپ قالدى، دەپ حابارلادى Like-A پورتالى.

ادام جاسىمەن سالىستىرعاندا، مەگگي 200-دەن استى. وكىنىشكە وراي، فەرمەر ونىڭ قۇجاتىن جوعالتىپ العان، سوندىقتان شەنەۋنىكتەر ونىڭ جاسىن راستاي المادى.

 ال، ۆەتەرينار دجەك ايەربي مەگگي شىنىمەن دە مالىمدەلگەن جاسقا سايكەس كەلەتىنىن اتاپ ءوتتى. ول مۇنداي جاسقا يتتەر ۆەتەريناريانىڭ جەتىستىگىنىڭ ارقاسىندا جەتە الاتىنىن قوسىپ ءوتتى.

 بۇرىن ەڭ ەگدە ءيت 1939 - جىلى 29 جاسىندا ولگەن اۆستراليالىق بليۋي بولاتىن.