پالەونتولوگتار تاس جۇرەك تاۋىپ الدى

استانا. قازاقپارات - حالىقارالىق عالىمدار توبى جۇرەگىمەن قوسا تاسقا اينالىپ ساقتالىپ قالعان بالىقتىڭ قاڭقاسىن تاۋىپ الىپ، ونى زەرتتەپ شىقتى.

بۇعان دەيىن تاسقا اينالعان تىرشىلىك يەسىنىڭ ەشقايسىسىنىڭ ىشكى مۇشەسى تابىلماعان بولاتىن. زەرتتەۋ قورىتىندىسى eLife جۋرنالىندا جاريالاندى.

جويىلىپ كەتكەن Rhacolepis buccalis تۇرىنە جاتاتىن جەبە قابىقتى بالىقتىڭ قاڭقاسى بور كەزەڭىنە قاتىستى تاسقا اينالعان قاڭقالار كوپ كەزدەسەتىن برازيلياداعى سانتانادا تابىلدى. زەرتتەۋشىلەر قاڭقانىڭ جاسى شامامەن 116-119 ميلليون جىل دەپ ەسەپتەپ وتىر.

برازيليا، فرانسيا مەن شۆەتسيا عالىمدارى تاسقا اينالعان بالىقتىڭ دەنەسىن ميكروتوموگرافيانىڭ سينحروتروندىق رەنتگەندەۋ تاسىلىمەن زەرتتەدى. ولار جاقسى ساقتالعان جۇرەكتى تاپتى، ونىڭ ارتەريالدىق كونۋسى - ياعني قوزعالاتىن بولىگى ايقىن كورىنەدى. وندا بەس قاقپاقشاسى بار ەكەندىگى بەلگىلى بولدى.