شىعىس قازاقستاندا ۇزدىك ەكسكۋرسيا جۇرگىزۋشىسى انىقتالدى
وبلىس قالالارى مەن اۋداندارىنىڭ مۋزەيلەرىنەن كەلگەن ون ءۇش ۇمىتكەر مامان ءۇش كەزەڭدە سايىسقا ءتۇستى. سايىسكەرلەر العاشقى كەزەڭدە ءوز ەكسكۋرسيالارىنان تۇسىرىلگەن بەينەفيلم نەمەسە سلايدتى كورەرمەندەر مەن قازىلار القاسىنا ۇسىندى.
ەكىنشى كەزەڭدە «ۇلى دالا حيكايالارى» ەركىن تاقىرىبىندا اڭگىمەلەۋ، ال ءۇشىنشى كەزەڭدە مۋزەيگە كەلگەن بەلگىلى ءبىر كورەرمەندەر كونتينگەنتىنە «قوش كەلدىڭىزدەر!» دەگەن تاقىرىپتا، ولاردى قىزىقتىراتىنداي ەكسكۋرسيا وتكىزۋ تاپسىرماسى بەرىلدى.
وسى ءۇش كەزەڭنەن دە جوعارى بالل جيناعان شىعىس قازاقستان ونەر مۇراجايىنىڭ مامانى شىنار ەڭسەبايەۆا بايقاۋ قورىتىندىسىندا ءبىرىنشى ورىنعا شىعىپ، 2016-جىلدىڭ ۇزدىك ەكسكۋرسيا جۇرگىزۋشىسى اتاعىن جەڭىپ الدى. ەكىنشى ورىنعا سەمەيدەگى وبلىستىق تاريحي-ولكەتانۋ مۋزەيىنىڭ قىزمەتكەرى ايگۇل نۇرابايەۆا، جۇلدەلى ءۇشىنشى ورىنعا نيەۆزوروۆتار وتباسى اتىنداعى بەينەلەۋ ونەرى مۋزەيىنىڭ قىزمەتكەرى دينارا كاكەنوۆا يە بولدى.
