بەلارۋس پەن قازاقستان زاڭسىز ميگراتسياعا قارسى شارالاردى تالقىلادى

استانا. قازاقپارات - مينسكى قالاسىندا بەلارۋس پەن قازاقستاننىڭ سىرتقى ىستەر مينيسترلىگى اراسىندا كونسۋلدىق ماسەلەلەرگە قاتىستى كەزەكتى كەڭەس وتكىزىلدى.

بۇل تۋرالى بەلتا اگەنتتىگى ەلدىڭ س ءى م باسپا ءسوز قىزمەتىنە سىلتەمە جاساي وتىرىپ حابارلادى.

«تاراپتار بەلارۋس پەن قازاقستاننىڭ جۇرگىزىپ وتىرعان ۆيزالىق ساياساتتىڭ ءمانى مەن ناقتى باعىتتارىن، زاڭسىز ميگراتسياعا قارسى ءىس-شارالاردى، سونداي-اق زاڭدى جانە جەكە تۇلعالاردىڭ قۇقىقتارى مەن زاڭدى مۇددەلەرى ماسەلەلەرىن قورعاۋ جونىندەگى كونسۋلدىق قىزمەتتىڭ ءوزارا ءىس-قيمىلدارىن تالقىلادى»، - دەپ حابارلايدى باسپا ءسوز قىزمەتى.

بەلورۋس دەلەگاتسياسىن باس كونسۋلدىق باسقارما باسشىسى يگور فيسەنكو باسقارسا، قازاقستاندىق تاراپقا كونسۋلدىق قىزمەت دەپارتامەنتىنىڭ ديرەكتورى ارداق ماديەۆ جەتەكشىلىك ەتتى.

كەزدەسۋگە بەلارۋس پەن قازاقستاننىڭ ءى ءى م كوشى- قون قىزمەتتەرىنىڭ باسشىلارى قاتىستى.