بەلارۋس ەلىندە اقشانى ىرىلەندىرۋگە دايىندىق ءجۇرىپ جاتىر

استانا. قازاقپارات - وندا دەنوميناتسيا ەكى ايدان سوڭ باستالادى.

ال ەلدىڭ ساۋدا مينيسترلىگى حالىقتىڭ كوزىن وسى باستان جاڭا باعاعا ۇيرەتۋ ماقساتىندا بارلىق قوعامدىق جەرلەردە جاڭا جانە ەسكى باعانى قاتار كورسەتۋ جونىندە قاۋلى شىعارعان.

ءبىرقاتار دۇكەن وسى تارتىپپەن جۇمىس ىستەيدى. ال تۇتىنۋشىلار تاۋار قۇنىن ءتۇرلى- ءتۇستى قاعازعا جازىلعان باعاعا قاراپ، اجىراتا الادى. اقشا ولشەمىن ىرىلەندىرگەننەن كەيىن ءسۇت باعاسى 11 مىڭ بولسا، دەنوميناتسيادان كەيىن 1 رۋبل 10 تيىنعا تەڭ بولماق.

مىسالى، سىرىڭكەنىڭ ءبىر قورابى 300 رۋبل بولسا، كەيىن ول 3 تيىنعا باعالانادى. ايتا كەتەيىك، بەلارۋس رەسپۋبليكاسىندا دەنوميناتسيا 2016 -جىلدىڭ ءبىرىنشى شىلدەسىنەن جۇزەگە اسىرىلادى دەپ جوسپارلانعان. اقشا ولشەمىن ىرىلەندىرۋ شاراسى كەزىندە بەلارۋستىق رۋبلدەن 4 ءنول الىنىپ تاستالادى. سوسىن اينالىمعا تەمىر تيىندار شىعادى.

ۆيولەتتا بەرەزوۆسكايا، بەلارۋس ساۋدا مينيسترلىگى ساۋدا جانە قىزمەت تۇرلەرىن ۇيىمداستىرۋ باسقارماسىنىڭ باسشىسى:

- كاسسا اپپاراتتارىنىڭ كوبىسىن تيىنعا قايتا باعدارلامالاۋعا تۋرا كەلەدى. ال قالعان جارتىسىن جاڭاسىنا اۋىستىرامىز. مۇنىڭ بارلىعىن ءبىر مەزەتتە جۇزەگە اسىرۋ مۇمكىن ەمەس. سوندىقتان بىرتىندەپ اۋىستىرىلادى جانە قايتا باعدارلامالاۋدان وتەدى. حالىقتان ەسكى جانە جاڭا اقشانى قابىلداي بەرەمىز. اقشا ايىرماسىنا كەلەر بولساق، ەسكى جانە جاڭا كۋپيۋرامەن قايتارامىز.

يرينا ناركيەۆيچ، بەلارۋس ساۋدا ءمينيسترىنىڭ ورىنباسارى:

- اقشانى دۇرىس ەسەپتەمەۋى مۇمكىن دەگەنگە سەنبەيمىن. سەبەبى، ونىمەن جۇمىس ىستەۋ ءۇشىن بارلىق قۇقىقتىق- نورماتيۆتىك بازا جاسالادى. كاسسادا تۇرعاندارعا اۋىرتپالىق تۇسەتىنى ءسوزسىز. دەگەنمەن، كاسىبي ماماندار جاڭىلمايدى. بۇل جەردە زەيىن كەرەك. سوندىقتان كوبىنەسە كاسسا باسىندا ايەل ادامدار تۇرادى.

www.24.kz