قاتەرلى ىسىكتەن قورعانۋدىڭ جولى قانداي؟
الايدا يممۋنيتەت جۇيەسى كۇشتى ادامدار دەنەدەگى بۇل جاسۋشالاردى ءولتىرىپ وتىرادى. ال يممۋنيتەت جۇيەسى ءالسىز ادامدار بۇل جاسۋشالارمەن كۇرەسە الماعاندىقتان، كوبىنە قاتەرلى ىسىك اۋرۋىنا شالدىعىپ جاتادى. يممۋنيتەت جۇيەسىنىڭ بۇزىلۋى، السىرەۋى، باياۋلاۋى، رەاكتسيا تانىتا المايتىنداي جاعدايعا كەلۋى سەكىلدى سەبەپتەردەن قوعامدا قاتەرلى ىسىك اۋرۋىنا شالدىعۋ ءقاۋپى جوعارىلاي بەرەدى. يممۋنيتەتتەگى مۇنداي قۇبىلىستار كوبىنە جاس ۇلعايعان سايىن بايقالا باستايدى ەكەن.
«جاستاردا دا قاتەرلى ىسىك اۋرۋىنا شالدىعۋ قاۋپى بار. ادام كەز-كەلگەن جاستا قاتەرلى ىسىك اۋرۋىنا شالدىعادى. تەك جاس ۇلعايعان كەزدە بۇل قاۋىپ ارتا تۇسپەك. وبىردان قورعانۋ جانە بۇل اۋرۋدى جەڭۋ ءۇشىن ەڭ ماڭىزدى ماسەلە اعزانىڭ يممۋنيتەت جۇيەسىن كۇشەيتۋ. ارانىڭ ۋىنان باستاپ، پروپوليسى، ءسۇتى، سەكىلدى ارا ونىمدەرى اعزانىڭ يممۋنيتەتتىك جۇيەسىن كۇشەيتەتىن ەڭ تابيعي جانە ەڭ قۋاتتى زاتتار. ال قاتەرلى ىسىككە قارسى قولدانىلىپ جۇرگەن ەمدەر، دارىلەر، حيمياتەراپيا، راديوتەراپيالار اعزانىڭ يممۋنيتەتتىك جۇيەسىن قاتتى السىرەتەدى. اعزانىڭ اۋرۋعا قارسى كۇرەس كۇشىن ارتتىرۋ ءۇشىن، جاسۋشالاردىڭ راك جاسۋشالارىنا قارسى كۇرەسە الۋى ءۇشىن اعزا قورعانىس جۇيەسىن كۇشەيتەتىن زاتتارعا مۇقتاج. ارا ۋى بولسا، بۇلاردىڭ ىشىندەگى ەڭ ماڭىزدىلاردىڭ قاتارىنان ورىن الادى. يممۋنيتەتتىك جۇيە كۇشەيگەندە ءارى قاتەرلى ىسىك اۋرۋىن جەڭەدى ءارى ونىڭ قايتا شىعىپ جايىلۋىنىڭ الدىن الادى»، دەيدى پروفەسسور.
