19:56, 20 - ءساۋىر 2016 | GMT +5
الماتى وبلىسىندا ءبىر ءۇيىر جىلقى ايداپ كەتكەن بارىمتاشىلار ۇستالدى
تالدىقورعان. قازاقپارات - الماتى وبلىسى ءى ءى د باسپا ءسوز قىزمەتىنىڭ اقپاراتىنا سايكەس پوليتسەيلەر جىلقى ۇرلاۋعا ماشىقتانعان 1977-1981 -جىلدارى تۋىلعان ءۇش ەر ادامدى ۇستادى.
فاكتى ۇيعىر اۋدانىندا تىركەلدى. 15 -ساۋىردە جەرگىلىكتى پوليتسەيلەرگە 11 باس جىلقىسى ۇرلانعان شوشاناي اۋىلىنىڭ تۇرعىنى جۇگىنگەن.
«جەدەل-ىزدەۋ شارالارى بارىسىندا جىلقىلاردى جۇك كولىگىمەن اكەتكەنى انىقتالدى. جولدا ورناتىلعان ۆيدەوباقىلاۋدى ارقىلى جۇك كولىگى ۇستالدى»، - دەدى ۇيعىر ا ءى ءى ب باستىعى راميل گيماديەۆ.
پوليتسەيلەر ۇيعىر اۋدانىنان ءبىر ءۇيىر جىلقى ۇرلاعان ءۇش ادامدى ۇستادى. ولار ق ح ر تۋمالارى، اسپان استى ەلىنەن قازاقستانعا جۋىردا كوشىپ كەلگەن ەتنيكالىق قازاقتار.
«سوت الدى تەرگەۋ جالعاسۋدا. كۇدىكتىلەر قاماۋعا الىندى. قازىر ولاردىڭ مال ۇرلاۋ بويىنشا باسقا قىلمىسقا قاتىستىلىعى تەكسەرىلۋدە»، - دەپ اتاپ ءوتتى پوليتسيادا.
