قىزىلوردادا تۇيە ءسۇتىن وڭدەيتىن زاۋىت سالۋ مۇمكىندىگى قاراستىرىلىپ جاتىر
بۇل نىسانداردى جىل سوڭىنا دەيىن پايدالانۋعا بەرۋ جوسپارلانعان. بۇل تۋرالى وبلىس اكىمى بۇگىن جۋرناليستەرمەن وتكەن بريفينگ كەزىندە ايتىپ بەردى.
قىتاي ينۆەستورلارىمەن بىرگە قىزىلوردا قالاسىندا تۇيە ءسۇتىن وڭدەيتىن زاۋىت قۇرىلىسىن سالۋ مۇمكىندىگى قاراستىرىلۋدا. نىساننىڭ قۇرىلىسىنا قاجەتتى قۇجاتتار دايىن.
قازاقستان مەن قىتاي حالىق رەسپۋبليكاسى اراسىنداعى ۇكىمەتارالىق كەلىسىم شەڭبەرىندە جاڭاقورعان اۋدانىندا تومات پاستاسىن ءوندىرۋ كەشەنىن قۇرۋ جوباسى جۇزەگە اسىرىلۋدا.
بۇگىنگى تاڭدا، قىزاناقتىڭ وڭتايلى ءتۇرىن انىقتاۋ ءۇشىن قىتايلىق ينۆەستورلارمەن («Сofco» كومپانياسى) بىرلەسە وتىرىپ 2 گەكتار جەرگە توماتتىڭ ءتۇرلى سورتتارى ەگىلىپ، ەكسپەريمەنت جۇمىستارى باستالىپ كەتتى. ال كەلەر جىلدان باستاپ بۇل تاجىريبە 4 مىڭ گەكتار جەرگە دەيىن ۇلعايىپ، بۇيىرسا جىلدىق قۋاتى 15 مىڭ توننا بولاتىن تومات ءوندىرۋ زاۋىتى ىسكە قوسىلادى.
«اۋىل شارۋاشىلىعى كووپەراتيۆتەرى تۋرالى» زاڭدى جۇزەگە اسىرۋ ماقساتىندا وبلىستا 26 اۋىلشارۋاشىلىق كووپەراتيۆتەرى قۇرىلدى.
اۆتور: ەلۋباي اۋەزوۆ
