15:19, 20 - ءساۋىر 2016 | GMT +5
ورالدا قۇرمانعازى مەن ديناعا ەسكەرتكىش ورناتىلادى
ورال. قازاقپارات - ورال قالاسىندا قازاقتىڭ ۇلى كۇيشىلەرى قۇرمانعازى ساعىرباي ۇلى مەن دينا نۇرپەيىس قىزىنا ەسكەرتكىش ورناتىلادى.
ب ق و مادەنيەت، مۇراعاتتار جانە قۇجاتتاما باسقارماسىنىڭ باسشىسى داۋلەتكەرەي قۇسايىنوۆتىڭ ايتۋىنشا، وتكەن جىلى كونكۋرس جاريالانىپ، ۇزدىك كومپوزيتسيا تاڭدالىپ الىندى. وندا كۇي اتاسى قۇرمانعازىنىڭ شاكىرتى ديناعا دومبىرا تابىستاپ تۇرعان ءساتى بەينەلەنگەن. ءدال قازىرگى تاڭدا ارنايى كوميسسيا ورال قالاسىنان ەسكەرتكىشكە لايىقتى ورىندى قاراستىرۋدا.
بۇگىن ورال قالالىق ءماسليحاتىنىڭ سەسسياسىندا قۇرمانعازى مەن دينانىڭ مۇسىندىك كومپوزيتسياسىنا 66,9 ميلليون تەڭگە بولىنگەنى جونىندە حابارلاندى.
ايتا كەتەيىك، ورالدىڭ ورتالىق بولىگىندەگى قۇرمانعازى مەن دينا كوشەلەرى ءبىر- بىرىمەن قيىلىسادى.
اۆتور: ەلجان ەرالى
