اۋعانستاندا لاڭكەستەر قاتارىندا جۇرگەن بىرەن- ساران عانا قازاقستاندىق بار - ەلشى

استانا. قازاقپارات - قازاقستاننىڭ اۋعانستان يسلام رەسپۋبليكاسىنداعى توتەنشە جانە وكىلەتتى ەلشىسى ءومىرتاي ءبىتىموۆ اۋعانستاندا لاڭكەستەر قاتارىندا سوعىسىپ جۇرگەن قازاقستاندىقتار كوپ ەمەس ەكەنىن ايتتى.

 «وندا بىرەن- ساران عانا ادام بار. نەگىزىنەن ولار جاستار. باسقا ەلدەرمەن سالىستىرعاندا قازاقستاننان شىققاندار ايتىرلىقتاي از»، - دەدى ەلشى.

ونىڭ سوزىنە قاراعاندا، قازاقستاننان اتالعان ەلگە ازاماتتاردىڭ سوعىسۋعا بارماۋىنىڭ نەگىزگى سەبەبى ەلىمىز تاراپىنان قويىلعان توسقاۋىلدان ەمەس، اتاپ ايتقاندا، مەملەكەتىمىزدەگى ءتارتىپتىڭ جانە ءومىر ءسۇرۋ جاعدايىنىڭ وزگە ەلدەرگە قاراعاندا جاقسى بولعانىنان قالىپتاسىپ وتىر.

«وكىنىشكە قاراي، اداسىپ بارعان جەكە ادامدار بار. ولار ەلگە ورالىپ، اۋعانستانعا بارعانى ءۇشىن وكىنىشىن بىلدىرۋدە»، - دەدى ءو. ءبىتىموۆ.

ديپلوماتتىڭ اتاپ وتۋىنشە، اۋعان ۇكىمەتىنىڭ ستاتيستيكاسى دا بۇنداي ادامداردى ۇلتى بويىنشا اجىراتپايدى، سوندىقتان دا بۇل تۇرعىدا تۇسىنبەستىك بولۋى ىقتيمال.

اۆتور: رۋسلان عابباسوۆ