حالىقارالىق ساراپشىلار «سالاماتتى قازاقستان» باعدارلاماسى ناتيجەسىن جوعارى باعالادى
بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنەن حابارلاندى.
اتاپ ايتقاندا، حالىقارالىق ساراپشىلاردىڭ ەڭ جوعارعى باعاسىنا مەديتسينانىڭ پروفيلاكتيكالىق باعىتىن كۇشەيتۋ، ۇيىمدارداعى سانيتارلىق-ەپيدەميولوگيالىق قىزمەتتى جەتىلدىرۋ، مەديتسينالىق كومەكتى باسقارۋ مەن قارجىلاندىرۋ باعىتتارى يە بولدى.
مەملەكەتتىك باعدارلامانى جۇزەگە اسىرۋ ناتيجەسىندە بارلىق 8 ماقساتتى ينديكاتورلار ورىندالدى: انا (1,8 ەسەگە) مەن ءسابي (1,8 ەسەگە) ءولىمىنىڭ كورسەتكىشى تومەندەدى، تۋبەركۋلەزبەن سىرقاتتانۋ (1,6 ەسەگە) ازايدى، نەگىزگى الەۋمەتتىك ءمانى بار اۋرۋلاردان: قان اينالىم جۇيەسى اۋرۋلارىنان (2 ەسەگە)، قاتەرلى ىسىكتەردەن (15 پايىزعا)، جاراقاتتانۋ مەن ۋلانۋدان (21 پايىزعا) بولاتىن ءولىم-ءجىتىم تومەندەدى. جالپى ءولىم-ءجىتىم كورسەتكىشى دە ازايدى.
ەستەرىڭىزگە سالا كەتەيىك، 2016-جىلعى 15- قاڭتاردا مەملەكەت باسشىسى «سالاماتتى قازاقستان» مەملەكەتتىك باعدارلاماسىنىڭ جالعاسى بولىپ تابىلاتىن ق ر دەنساۋلىق ساقتاۋ جۇيەسىن دامىتۋدىڭ 2016-2019-جىلدارعا ارنالعان «دەنساۋلىق» مەملەكەتتىك باعدارلاماسىن بەكىتتى.
اۆتور: رۋسلان عابباسوۆ
