14:16, 20 - ءساۋىر 2016 | GMT +5
ۋكراينا قازاقستاننان مۇناي يمپورتتاي باستادى
استانا. قازاقپارات - ۋكرايناعا قازاقستاننان ەكسپورتتالعان مۇنايدىڭ العاشقى پارتياسى جەتە باستادى دەپ حابارلايدى «ازاتتىق».
ۋكراينانىڭ «ۋكرگاز دوبىچا» كومپانياسى رەسمي سايتىنىڭ حابارلاۋىنشا، شبەلينسك مۇناي وڭدەۋ زاۋىتىنا دەپ باستاپقىدا 10 مىڭ توننا مۇناي يمپورتتاۋ تۋرالى كەلىسىم جاسالعان. العاشقى مۇناي تاسيتىن 29 ۆاگون قازىر ۋكرايناعا جەتكەن.
كومپانيا قازاقستاننان ءارى قارايعى مۇناي جەتكىزۋ كەستەسى العاشقى جەتكىزىلگەن مۇنايدىڭ قالاي وڭدەلەتىنىنە بايلانىستى بولماق.
قازاقستاننان مۇناي يمپورتتاۋ تۋرالى كەلىسىم كومىرسۋتەك شيكىزاتىن ساتىپ الۋ تۋرالى وتكەن اشىق باسەكەلى كونكۋرس ناتيجەسىندە جاسالعان. كونكۋرسقا قاتىسقان ءتورت جەتكىزۋشى اراسىندا ەڭ تومەن باعانى قازاقستان مۇنايىن جەتكىزۋشى ۇسىنعان.
