ەرەكشە قورعالاتىن اۋماقتان قاراعايدى زاڭسىز كەسكەن ورمانشى سوتتالدى - پاۆلودار وبلىسى

استانا. قازاقپارات - پاۆلودار وبلىسىنىڭ لەبياجى اۋداندىق سوتىندا ورماندى زاڭسىز وتاۋ جانە دايىندالعان اعاشتى ۇراۋ فاكتىسى بويىنشا قىلمىستىق ءىس قارالدى.

 ءىس ماتەريالدارى بويىنشا، بەسقاراعاي فيليالى «ەرتىس ورمانى» ر م م  م و ت ر كوكجال ورمان شارۋاشىلىعىنىڭ ورمانشىسى بولا تۇرىپ، ءوز قاراماعىنداعى بەس جۇمىسكەر - ەكى ورمانشى، ورمان شەبەرى جانە جۇرگىزۋشىمەن الدىن الا ءسوز بايلاسىپ، 10 تەكشە مەتر قاراعايدى زاڭسىز كەسكەن. ۇرلانعان اعاشتاردى ش ق و اۋماعىندا ساتپاقشى بولعان.

سوتتالۋشىلار قىلمىستىق ارەكەتتەرىمەن  256995 تەڭگە سوماسىندا ماتەريالدىق زيان كەلتىرگەن.

 سوت ۇكىمى بويىنشا ورمانشىلار ەرەكشە قورعالاتىن اۋماقتان اعاشتاردى زاڭسىز كەسۋ - ق ك- ءنىڭ 340-بابى 3-بولىگىنىڭ 4-تارماعى بويىنشا جانە الدىن الا ءسوز بايلاسۋ ارقىلى ادامدار توبىمەن جاسالعان ۇرلىق - 188-بابىنىڭ 2- ءبولىمى 1-تارماعىمەن كوزدەلگەن قىلمىستى جاساعانى ءۇشىن كىنالى دەپ تانىلدى. ورمانشىلارعا مۇلىكتەرىن تاركىلەۋمەن، 3 جىلعا ورمان شارۋاشىلىعىندا بەلگىلى قىزمەتپەن اينالاسۋ قۇقىعىنان ايىرۋمەن، ەكى جىلعا باس بوستاندىعىن شەكتەۋ جازاسى تاعايىندالدى.

ۇكىم زاڭدى كۇشىنە ەندى، دەپ حابارلادى لەبياجى اۋداندىق سوتىنىڭ باسپا ءسوز قىزمەتى.