جامبىل وبلىستىق دەنساۋلىق ساقتاۋ باسقارماسىنىڭ باسشىسى مەن ونىڭ ورىنباسارلارى ۇستالدى

استانا. قازاقپارات - جامبىل وبلىستىق دەنساۋلىق ساقتاۋ باسقارماسىنىڭ باسشىسى مەن ونىڭ ورىنباسارلارى ۇستالدى. بۇل تۋرالى ق ر سىبايلاس جەمقورلىققا قارسى ءىس- قيمىل ۇلتتىق بيۋروسى باسپا ءسوز قىزمەتىنەن حابارلادى.

«ق ر سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ جامبىل وبلىستىق دەپارتامەنتى ءوڭىردىڭ دەنساۋلىق ساقتاۋ باسقارماسىنىڭ باسشىسى ە. ماساليموۆ پەن ونىڭ ورىنباسارلارى ر. بيجىگىتوۆا مەن گ. جاقسىبەكوۆانى، مەملەكەتتىك ساتىپ الۋلار، مونيتورينگ جانە تەحنيكالىق باقىلاۋ مەن ەكونوميكا جانە بيۋدجەتتىك جوسپارلاۋ بولىمدەرىنىڭ باسشىلارى ب. بەيسەبايەۆ پەن ي. ايماعانبەتوۆانى ۇستادى»، - دەلىنگەن حابارلامادا.

ۆەدومستۆو اقپاراتىنا قاراعاندا، لاۋازىمدى تۇلعالار جۇيەلى تۇردە پارا رەتىندە وبلىستىق مەديتسينالىق مەكەمەلەردىڭ باس دارىگەرلەرى مەن باسقا دا تۇلعالاردان قامقورلىقتارى ءۇشىن 300-دەن 10 مىڭ دوللارعا دەيىن اقشا الىپ وتىرعان.

سونىمەن قاتار لاۋازىمدى تۇلعالار قىزمەتتىك وكىلەتتىكتەرىن اسىرا پايدالانىپ، دارىلىك زاتتار مەن مەديتسينالىق قۇرال- جابدىقتاردى مەملەكەتتىك ساتىپ الۋ تەندەرلەرىن بولۋدە دە زاڭسىز ارەكەتتەرگە بارعان.

 قازىرگى ۋاقىتتا ە. ماساليموۆ تاراز قالالىق ءى ءى ب ۋاقىتشا وقشاۋلاعىشىنا قامالدى. سوتقا دەيىنگى تەرگەۋ امالدارى جۇرگىزىلۋدە.

 اۆتور: مارلان جيەمباي