اۋعانستانداعى قازاقستان ەلشىلىگىنىڭ قاۋىپسىزدىك دەڭگەيى قانداي؟
ونىڭ سوزىنە قاراعاندا، اۋعانستان استاناسىندا لاڭكەستىك قاتەردى ەسكەرە وتىرىپ، قازاقستان وكىلدىگىنىڭ قاۋىپسىز جۇمىسىن قامتاماسىز ەتۋ ءۇشىن ءتيىستى شارالار قابىلدانۋدا.
پرەزيدەنتىمىز، سونداي- اق ءبىزدىڭ ۇكىمەت قاۋىپسىزدىككە ەرەكشە قامقورلىقپەن قارايتىنىنا توقتالعان ەلشى، اۋعانستاندا ديپلوماتتارىمىزدىڭ قاۋىپسىزدىگى شەكاراشىلارىمىزدىڭ ىشكى قارۋلى كۇزەتى كۇشىمەن قامتاماسىز ەتىلگەنىن ايتتى. ال سىرتقى كۇزەت جەرگىلىكتى پوليتسيامەن قامتىلعان.
ءو. ءبىتىموۆتىڭ ايتۋىنشا، قازاقستاننىڭ بەيبىتشىل سىرتقى ساياساتى مەن بارلىق ەلدەرمەن جاقسى قاتىناستارى قاۋىپسىزدىكتىڭ باستى كەپىلى بولىپ تابىلادى.
«بىزدە بۇل تۇرعىدا ەش قاراما- قايشىلىق جوق. سوندىقتان بۇل - ەڭ باستى كەپىلدىك»، - دەدى ەلشى.
وسى رەتتە ول ديلوماتتار ءۇشىن تەك اۋعانستاندا عانا ەمەس، سونىمەن قاتار ءبىرقاتار وزگە دە ەلدەردە جۇمىس ىستەۋ قيىنداۋ ەكەنىن اتاپ ءوتتى.
ايتا كەتەيىك، اۋعانستانداعى ىشكى ساسي احۋال ءالى دە شيەلەنىسكەن جاعدايدا، ياعني «تاليبان» قوزعالىسىنىڭ جاندانۋى قيىندىقتار تۋدىرۋدا. مۇنىمەن قوسا، ەلدىڭ اۋماعىندا سوڭعى كەزدەرى «د ا ي ش» توپتارى دا پايدا بولۋدا.
اۆتور: رۋسلان عابباسوۆ
