قازاقستاندا پايدالى قازبالاردىڭ بىرەگەي كەنىشتەرى تابىلۋى ىقتيمال - ءا. يسەكەشيەۆ
بۇل تۋرالى بۇگىن استانادا « MINEX ورتالىق ازيا» تاۋ- كەن ونەركاسىبى فورۋمىندا ق ر ينۆەستيتسيالار جانە دامۋ ءمينيسترى اسەت يسەكەشيەۆ ءمالىم ەتتى.
«بۇگىنگى تاڭدا قاتتى پايدالى قازبالار بويىنشا كەلىسىمشارتتاعى ۋچاسكەلەردىڭ جالپى كولەمى 137 مىڭ شارشى شاقىرىمدى قۇرايدى. ۇلكەن اۋماقتى جانە قازاقستاننىڭ جەر قويناۋىنداعى بايلىعىن ەسكەرەتىن بولساق، 2020 -جىلعا قاراي ونداعان جاڭا كەنىشتەر تابۋىمىز مۇمكىن، ونىڭ ىشىندە سيرەك ءارى بىرەگەي كەنىشتەر دە بولۋى ىقتيمال»، - دەپ اتاپ ءوتتى مينيستر.
ونىڭ سوزىنە قاراعاندا، شەتەلدىك سەرىكتەستەرمەن قولعا الىنعان بىرلەسكەن جوبالاردىڭ ارقاسىندا جاقىن ارادا ءىرى كەن ورىندارى اشىلۋى كۇتىلۋدە.
«جۇمىس جاسالۋدا، جاقىن جىلدارى ناتيجەگە قول جەتكىزەمىز دەپ ويلايمىن»، - دەدى ءا. يسەكەشيەۆ.
بۇل بەدەلدى فورۋم الەمدىك داعدارىس جاعدايىنداعى مينەرالدىق شيكىزات سالاسىنىڭ دامۋ بارىسى مەن بولاشاقتاعى مۇمكىندىكتەرىنە باسىمدىق بەرمەك.
فورۋمنىڭ باستى ماقساتى: حالىقارالىق بايلانىستى نىعايتۋ، اتالمىش ماسەلە بويىنشا مەملەكەتتىك ۇيلەستىرۋدى ارتتىرۋ، تەحنيكالىق جاڭعىرتۋدى جەتىلدىرۋ، كاسىبي مامانداردى دايارلاۋ، تاۋ- كەن ءوندىرىسىن قارجىلاندىرۋ جانە ينۆەستيتسيا تارتۋ.
فورۋمعا مەملەكەتتىك ورگانداردىڭ وكىلدەرى، تاۋ- كەن ءوندىرىسىنىڭ، ينجەنەرلىك جانە ينۆەستيتسيالىق كومپانيالاردىڭ 300-دەن استام باسشىلارى قاتىسادى. ورتالىق ازياداعى قىرعىزستان، تاجىكستان، قازاقستان، سونىمەن قاتار موڭعوليا، رەسەي جانە الىس شەت مەملەكەتتەردەن 80-گە تارتا بايانداماشى ءسوز سويلەيدى دەپ كۇتىلۋدە. ولار تاۋ- كەن بيزنەسىنىڭ الداعى دامۋ بارىسىنا قاتىستى ءوز ويلارىمەن بولىسەدى.
اۆتور: جاسۇلان جولدىبايەۆ
