جانار ايجانوۆا قىزىن سۇراعان جىگىتتى ۇيالتىپ تاستادى
مۇنىمەن قاتار، جانار ايجانوۆا جىگىتتىڭ قىز العىسى كەلسە، اناسىن ەمەس، جەڭگەسىن جاعالاۋى كەرەك ەكەنىن ايتىپ ءوتتى.
ءادىل-قازى القالارىمەن ازىلدەسەمىن دەپ اۋزى كۇيگەن جىگىتتىڭ اتى-ءجونى - دوسبولوۆ نۇرىم ەسەن ۇلى. اكتەرلىكتى ك ۆ ن ويىندارىنان باستاعان جىگىت 1990-جىلى شىمكەنت قالاسىندا دۇنيەگە كەلگەن.
«اكەم اتىنىڭ ءوزى مەنى كەلەسى تۋرعا وتكىزىپ تۇر عوي. ەسەن اعام وتىر ەكەن. جانىم، بوتام، جاقسى كورەمىن ءوزىن. مۇنىمەن قاتار، بويداقپىن. جانار اپكە قىزىڭىزدى Instagram-نان، باسقاسىنان كورىپ ءجۇرمىن. قىزىڭىز ءوزىڭىز سياقتى ادەمى دەگەنىم عوي. ءادىل-قازى قۇرامىندا اكەم بار، ەندى ەنە تاۋىپ السام دەپ ەدىم»، - دەگەن جىگىتتىڭ بىردەن ءسوزىن بولگەن جانار ايجانوۆا، ۋاقىتىن جوعالتپاۋعا كەڭەس بەردى.
جىگىتتىڭ ايتقان ءازىلى ءوتىمسىز بولىپ، ءادىل قازى مۇشەلەرىنە جاعىمپازدانامىن دەپ جاقپاي قالعانى بار. ءسوزىن ءتامامداعان سوڭ قاتاڭ سىن ەستىدى.
«سەن سوندا مىنا جاققا قىز ىزدەپ كەلدىڭ بە؟ قازاقتىڭ سالتىن بىلسەڭ، قىزدىڭ شەشەسى ەشقاشان جەڭگەتاي بولمايدى. شەشەسىن كورىپ قىزىن الساڭ ال، ءبىراق جەڭگەتاي قىلما. ەر ازامات سۇيىكتىسىنىڭ جەڭگەسىن جاعالاپ، سول ارقىلى ءسوز سالادى. تىنىش جاتقان جىلاننىڭ قۇيرىعىن ءوزىڭ باستىڭ. نە ايتايىن، نۇرىم. كۇندەلىكتى ەستىپ جۇرگەن ءازىلدى ايتتىڭ. ادام سويلەپ جاتقان كەزدە تىڭدا. سەن كىمسىڭ، مەن كىم؟! كەلە سالىپ قىزىما ءتيىستىڭ، اندا ءتيىستىڭ. دۋحىڭ جەتسە، قىزىما بارىپ ايتىپ كور. ءوزى تايەكۆاندو ونەرىن مەڭگەرگەن. ەگەر موينىڭدى قايىرىپ جىبەرسە، وبالىڭ وزىڭە. تاياعىڭدى جەپ قايتاسىڭ. مۇندا قۇدا ءتۇسىپ، قىز ساۋدالاپ نەمەسە مەنىمەن ۇرىسۋ ءۇشىن كەلمەگەن شىعارسىڭ»، - دەپ جىگىتتىڭ وزىمەن ءسوز تالاستىرعانىن مۇلدەم ۇناتپاعان سىڭاي تانىتتى.
قاتاڭ سىننىڭ استىندا قالعان جىگىت ءسوزىنىڭ ءازىل ەكەنىن ايتىپ، كەشىرىم سۇرادى. ءتىپتى جانار ايجانوۆانىڭ قولىن الۋعا رۇقسات سۇرادى. ءانشى دە ءوز كەزەگىندە جىگىتتىڭ سوزىنە رەنجىمەگەنىن جەتكىزدى.
