ءۇي اۋلاسىنان قۇندى جادىگەرلەر تابىلدى
بۇل تۋرالى «نيۋ يورك تايمس» گازەتى جازادى.
ۋيلتشير گرافتىعىنداعى تيسبەري كەنتىنە جاقىن جەردە تۇراتىن كىلەم ديزاينەرى ليۋك يرۆين 2015-جىلى اقپان ايىندا ءوز ءۇيىنىڭ اۋلاسىندا توق سىمىن جۇرگىزۋ كەزىندە موزايكا ەدەندى تاپتى. قۇراستىرما ەدەن قىزىل، اق جانە كوك تاقتاشالاردان قۇراستىرىلعان ءارى 45 سانتيمەتر تەرەڭدىكتە جاتقان. سول جەرگە جاقىن سولسبەري قالالىق مۇراجايىنىڭ جانە «تاريحي انگليا» ۇيىمىنىڭ ماماندارى قازبا جۇمىستارىن باستادى. ولار موزايكانىڭ ۇلكەن ريمدىك ۆيللانىڭ ءبىر بولىگى ەكەندىگىن انىقتادى. بۇل انگليادا تابىلعان ەڭ ءىرى وسىنداي قونىس. عالىمدار ۆيللانىڭ ءبىرىنشى قاباتىندا عانا 20-25 بولمە بار دەپ سانايدى.
قازبا جۇمىستارى كەزىندە ارحەولوگتار كونە تيىنداردى، اشەكەيلەردى، قىش ىدىستاردى، قۇدىقتى جانە جىلىتۋ قۇبىرلارىن تاپتى. «تاريحي انگليا» ۇيىمىنىڭ ارحەولوگى دەۆيد روبەرتستىڭ ايتۋىنشا، تابىلعان جادىگەرلەرگە قاراي وتىرىپ ۆيللانىڭ ءسان-سالتاناتپەن ءومىر سۇرگەن اقسۇيەكتەرگە تيەسىلى ەكەندىگىن پايىمداۋعا بولادى.
عالىمدار XIX عاسىردا تابىلعان ريمدىك ۆيللامەن سالىستىرىپ شىقتى.
